२९ माघ/अर्थ र व्यापार – शिखर इन्स्योरेन्स कम्पनीले खुद नाफा बढाएको छ । यस कम्पनीले चालु आर्थिक वर्षको दोस्रो त्रैमाससम्म २५ करोड ११ लाख रुपैयाँ खुद नाफा आर्जन गरेको जनाएको छ।
यो गत अघिल्लो आवको ६ महिनाको तुलनामा १९.१७ प्रतिशत धेरै हो । कम्पनीले अघिल्लो आवको ६ महिनामा २१ करोड ७ लाख रुपैयाँ खुद नाफा कमाएको थियो। यो अवधिमा कम्पनीले ५५ करोड १४ लाख रुपैयाँ खुद बीमा शुल्क आर्जन गरेको छ ।
यस कम्पनीले अघिल्लो आवको दोस्रो त्रैमासको तुलनामा खुद बीमा शुल्क आर्जन ८.०३ प्रतिशतले बढाएको हो। यस कम्पनीले गत वर्ष ६ महिनामा ५१ करोड ४ लाख रुपैयाँ खुद बीमा शुल्क आम्दानी गरेको थियो।
चुक्ता पुँजी २ अर्ब ६५ करोड रुपैयाँ रहेको शिखर इन्स्योरेन्सको प्रति सेयर आम्दानी १८.९२ रुपैयाँ तथा प्रति सेयर नेटवर्थ १९९.१५ रुपैयाँ रहेको छ ।
तपाईको प्रतिक्रिया