३ पुस/अर्थ र व्यापार – हिमालयन लघुवित्त वित्तीय संस्था लिमिटेडले आगामी २५ पुसमा १२औं वार्षिक साधारण सभा बोलाएो छ । सोमबार बसेको कम्पनीको सञ्चालक समितिको बैठकले बोगनभिल्ला इभेन्ट्स, त्रिपुरेश्वर, काठमाडौंमा विहान ११ बजे साधारण सभा गर्ने निर्णय गरेको हो ।
सो साधारण सभाले गत आर्थिक वर्ष २०७९/८० को वार्षिक प्रतिवेदन सहितका वित्तीय विवरणहरू पारित गर्नुका साथै चालू आर्थिक वर्षको लागि लेखापरिक्षक नियुुक्ती र निजको पारिश्रमिक निर्धारणको विषय टुंयाउनेछ ।
सर्वसाधारण शेयरधनीहरूको तर्फबाट एक जना सञ्चालक निर्वाचन गर्ने र संस्थापक शेयरधनीको तर्फबाट मनोनय तथा नियुक्तिलाई अनुमोदन गर्ने कार्यक्रम पनि सभाले गर्नेछ ।
साधारण सभा प्रयोजनका लागि कम्पनीले पुस १६ गते एक दिन बुक क्लोज गर्ने कम्पनीको तयारी छ । बुक क्लोजको अघिल्लो कारोबार दिनसम्म कायम शेयरधनीहरूले मात्र साधारण सभामा भाग लिन पाउनेछन् ।