१४ असोज/अर्थ र व्यापार – सेन्ट्रल फाईनान्स् लिमिटेड चन्द्रपुरशाखाले रौतहटको राजमार्गमा सचेतना मूलक होर्डिङ्गबोर्डहरु लगाएको छ । रौतहट जिल्लाको राजमार्गको धनसारपुलदेखि बागमतीसम्मका विभिन्न स्थानहरुमा यस्तो होर्डिङ्गबोर्डहरु लगाइएको हो ।
सवारी चालककालागि ढिलो गएअवश्य पुगिन्छ, हतार गरे भन्न सकिन्न, मादकपदार्थ सेवन गरी सवारी साधन नचलाऔं, तीव्र गति जीवनक्षति जस्ता चेतनामूलक सन्देश सहितको होर्डिङ्गबोर्ड सेन्ट्रल फाईनान्सको चन्द्रपुर शाखाले जिल्ला ट्राफिक प्रहरी कार्यालय, चन्द्रपुरको सहयोगमा लगाएको हो ।
दुर्घटना न्यूनीकरणमा सहयोगसिद्ध यस्ता होर्डिङ्गबोर्डहरु राजमार्गमा लगाउने क्रममा जिल्ला ट्राफिक प्रहरी कार्यालय, चन्द्रपुरका प्रमुख सुशिल आचार्य तथा संस्थाको चन्द्रपुर शाखाका प्रमुख लोकनाथ पौडेल लगायत संस्थाका कर्मचारीहरुको उपस्थिति थियो ।
यसैगरी, संस्थाको डकाहा शाखाले शुक्रबार रक्तदान कार्यक्रम आयोजना गरेको छ । दुधौली नगरपालिका – ४ स्थित सरस्वती क्याम्पसमा आयोजित रक्तदान कार्यक्रममा संस्थाका कर्मचारी लगायत२४ जनाले रक्तदान गरेका थिए । यस संस्थाका डकाहा शाखाका शाखा प्रमुख दिपेश पाण्डेले
संस्थाले सो रक्तदान कार्यक्रम आयोजना गरेकोे जानकारी दिएका हुन । संस्थागत सामाजिक उत्तरदायित्व अन्तर्गत संस्थाको डकाहा तथा चन्द्रपुर शाखा कार्यालयबाट सो कार्यक्रम सञ्चालन गरेको हो ।
नेपाल राष्ट्र बैंकबाट ‘ग’वर्गको इजाजतपत्र प्राप्त वित्तीय संस्थाको रुपमा विगत २६ वर्षदेखि गुणस्तरीय बैंकिङ्ग सेवादिंदै आएको यस संस्थाको कुपण्डोल स्थित केन्द्रीय कार्यालय सहित १९ वटा शाखा र भक्तपुरको सल्लाघारीमा एक एक्सटेन्सन काउन्टर सञ्चालनमा रहेको छ ।
संस्थाले सेन्ट्रल स्मार्ट मोबाइल बैंकिङ्ग एप, एटीम डेबिट कार्ड, चेक क्लियरिङ्ग, आईपीएस, कनेक्ट आईपीएस, कर्पोरेट पे, आरटिजिएस, क्युआर पेमेन्ट रेमिट्यान्स सेवा, सी–आस्वा जस्ता आधुनिक बैंकिङ्ग सेवाप्रदान गर्दै आएको जनाएको छ ।
संस्थाले आधुनिक प्रविधिको उच्चतम प्रयोग गरी थप डिजिटल बैंकिङ्ग सेवाप्रदानगर्दै लैजाने लक्ष्य लिएको जनाएको छ । ग्राहकहरुको बैंक खाता, वालेट, क्यूआर जस्ता विद्युतीय रकमान्तर तथा भुक्तानीका माध्यममा सहज पहुँचको व्यवस्था पनि मिलाएको संस्थाको विभिन्न शाखा कार्यालयहरुमा एटीएम सेवा पनि सञ्चालनमा रहेको छ ।