विद्युत बिक्री घटेसँगै बुटवल पावरको नाफा पनि घट्यो, प्रतिसेयर आम्दानी ७.८४ रुपैयाँ
२६ साउन/अर्थ र व्यापार – विद्युत बिक्री घटेसँगै बुटवल पावर कम्पनीको नाफा पनि प्रभावित भएको छ । सो कम्पनीले गत आर्थिक वर्ष २६ करोड ७३ लाख रुपैयाँ खुद नाफा कमाएको छ । जुन अघिल्लो वर्षको भन्दा २.४९ प्रतिशत कम हो।
अहिले यस कम्पनीको विद्युत बिक्री घटेर ६.५३ प्रतिशत खुम्चिएको छ । गत आर्थिक वर्ष सो कम्पनीले विद्युत बिक्रीबाट ७२ करोड ४४ लाख रुपैयाँ आर्जन गरेको छ । अघिल्लो आर्थिक वर्ष सो कम्पनीले ७७ करोड ५० लाख रुपैयाँको बिजुली बेचेको थियो।
ब्याजदर कम हुँदै गएकाले ब्याज भुक्तानी रकम घटेको छ । अघिल्लो वर्ष १ करोड २८ लाख भुक्तानी गरेको कम्पनीले यसपालि १ करोड १४ लाख मात्रै ब्याज तिर्नुपरेको छ। कम्पनीले बैंकको मुद्दतीमा राखेको रकमबाट १ करोड आम्दानी भएको छ।
३ अर्ब ४० करोड ९० लाख रुपैयाँ चुक्ता पुँजी भएको यस कम्पनीको जगेडा र अवितरित नाफा कोषमा ३ अर्ब ५८ करोड २८ लाख रुपैयाँ छ । जसका कारण सो कम्पनीको प्रतिसेयर आम्दानी पनि ७.८४ रुपैयाँमा झरेको छ । प्रतिसेयर नेटवर्थ पनि २०५.१ रुपैयाँ रहेको छ ।
बुटवल पावरले काबेली ए, न्यादी हाइड्रो, मुगु कर्णाली, चिनो खोला हाइड्रो र मस्र्याङ्दी क्यासकेड गरी पाँचवटा आयोजना सञ्चालन गरिरहेको छ । जसमध्ये ३० मेगावाटको न्यादी हाइड्रोले व्यावसायिक उत्पादन सुरु गरिसकेको छ।
कुल ३७.६ मेगावाटको काबेली ए, १७४ मेगावाटको मुगु कर्णाली, ७.९ मेगावाटको चिनो खोला र ६०१.२ मेगावाटका तीनवटा आयोजना हुने मस्र्याङ्दी क्यासकेड अध्ययन र निर्माणको चरणमा छन्।
सम्बन्धित शीर्षकहरु
मुख्य खबर
उच्चस्तरीय आर्थिक सुधार सुझाव आयोगले सरकारलाई बुझायो प्रतिवेदन
उच्चस्तरीय आर्थिक सुधार सुझाव आयोगले सरकारलाई अन्तरिम प्रतिवेदन बुझाएको छ । आयोगका अध्यक्ष रामेश्वर खनालले अर्थमन्त्री विष्णुप्रसाद पौडेललाई सो प्रतिवेदन बुझाएका हुन् ।
नेपाल र चीनबीच ८ सहमतिपत्रमा हस्ताक्षर, आपसी सहकार्यसम्बन्धी सहमतिले थप विकासको ढोका खोलिँदै
नेपाल र चीनबीच ८ सहमतिपत्रमा हस्ताक्षर भएको छ । चीन भ्रमणमा रहेका प्रधानमन्त्री केपी शर्मा ओली र चिनियाँ समकक्षी ली छ्याङबीच मंगलबार ८ बुँदे सहमतिपत्रमा हस्ताक्षर भएको हो।
निगमले सिनामंगलस्थित हवाइ इन्धन डिपो गुहेश्वरीमा स्थानान्तरण गर्ने
नेपाल आयल निगमले त्रिभुवन अन्तर्राष्ट्रिय विमानस्थल परिसर सिनामंगलबाट करिब ५० वर्ष पुरानो हवाई इन्धन डिपो स्थानान्तरण गर्ने भएको छ । त्यहाँबाट सारिएको सो डिपो काठमाडौको गुहेश्वरीतर्फ निर्माण हुने छ ।
विकास र लगानीलाई रोक्नु समृद्धि र प्रगतिलाई अवरुद्ध गर्नु हो : अध्यक्ष ढकाल
नेपाल उद्योग वाणिज्य महासंघका अध्यक्ष चन्द्रप्रसाद ढकालले विकास र लगानीलाई रोकेर मुलुकको आर्थिक समृद्धि र प्रगतिलाई अवरुद्ध पार्दा हाम्रो पुस्ता मात्र नभएर भावि पुस्तालाई समेत गरिबी र अभावको दुस्चक्रमा पार्ने बताएका छन्
मनोरञ्जन
रियालिटी शो ‘एक्टिङ स्टार’ कलाकार बन्ने र सिनेमा खेल्ने अवसर
रियालिटी शो ‘एक्टिङ स्टार’को केहि महिना अघि डिजिटल अडिसनको आव्हान गरिएको थियो । डिजिटल अडिसन मार्फत हालसम्म कलाकार बन्न चाहने ५०० भन्दा बढीले भिडियो खिचेर पठाएको कार्यक्रम निर्माण कम्पनी महक मिडिया नेटवर्कले जानकारी गराएको छ ।
नयाँ रियालिटी शो ‘एक्टिङ स्टार’को डिजिटल अडिसन खुल्ला
अभिनयमा रुची राख्नेहरुका लागि नयाँ रियालिटी शो ‘एक्टिङ स्टार’को घोषणा भएको छ । आगामी १ भदौ देखि एक महिनासम्मको लागि डिजिटल अडिसन खुल्ला गरिएको छ ।
१० करोड रुपैयाँ लगानीको दीपक र दीपाको सिनेमा हल संचालनमा
कलाकारहरु दीपकराज गिरी, दीपाश्री निरौला र निर्मल शर्माको लगानी रहेको मल्टिलप्लेक्स हल शुक्रबारबाट संचालनमा आएको छ ।
तपाईको प्रतिक्रिया