१९चैत/अर्थ र व्यापार – युनाइटेड इन्स्योरेन्स कम्पनी र अजोड इन्स्योरेन्स कम्पनीबीच मर्जरसम्बन्धी अन्तिम सम्झौतापत्रमा हस्ताक्षर भएको छ ।
दुई कम्पनीहरूको मर्जर कमिटीसहित अन्तिम सम्झौतापत्रमा हस्ताक्षर भएको हो । अन्तिम सम्झौतापछि कम्पनीको स्वाप रेसियो १०० बराबर ८२ दशमलव ५० कायम गरिएको छ ।
प्रारम्भिक मर्जरमा युनाइटेड र अजोडबीच स्वाप रेसियो १०० बराबर ९० हुने प्रारम्भिक सहमति भएको थियो । तर, डीडीएपश्चात् कम्पनीको स्वाप रोसियोमा परिवर्तन आएको छ । जसमा दुवै मर्जर कमिटीको सहमति भएको छ ।
मर्जरमा जाने प्रारम्भिक समझदारीपत्रमा हस्ताक्षर गरेका यी कम्पनीलाई नेपाल बिमा प्राधिकरणले २९ पुसमा सैद्धान्तिक सहमति दिएको हो । प्राधिकरणले ‘बिमक गाभ्ने, गाभिने तथा प्राप्ति गर्नेसम्बन्धी निर्देशिका, २०७६’ को दफा ६ बमोजिम अजोड र युनाइटेडलाई एकआपसमा गाभ्न र गाभिने (मर्जर) प्रक्रियामा जान सैद्धान्तिक सहमति दिएको हो ।
यसैगरि, मर्जरपछि बन्ने यस कम्पनीको नाम युनाइटेड अजोड इन्स्योरेन्स हुने बताईएको छ ।