१ चैत/अर्थ र व्यापार – जगदम्बा स्टील्स लिमिटेडले सम्वत बस्नेतलाई उनको शैक्षिकउत्कृष्टताको लागि प्रतिष्ठित ‘श्री शंकरलाल गोल्ड मेडल अवार्ड २०७९’ प्रदान गरेको छ ।
इन्जिनियरिङ अध्ययन संस्थानको ५७औं वार्षिक उत्सवको अवसरमा सोमबार थापाथली क्याम्पसमा आयोजित कार्यक्रममा बस्नेतलाई प्रदान गरिएको सो पुरस्कारमा पदक,प्रमाणपत्र र नगद ५१ हजार रुपैयाँ रहेको छ ।
कार्यक्रमा उपस्थित त्रिभुवन विश्वविद्यालयको ईन्जिनियरिङ शाखाका डिन, विद्यावारिधी, प्रो.शशिधर रामजोशी, थापाथली क्याम्पसका कार्यकारी क्याम्पस प्रमुख डा. खेम ज्ञवाली र जगदम्बा स्टील्स लिमिटेडका अपरेसिङ एन्ड मार्केटिङ प्रमुख जेएल प्रकाशले बस्नेतलाई सो पुरस्कार प्रदान गरेका हुन् ।
यो अवार्डको नामनेपालकाप्रख्यातउद्यमीतथाजगदम्बास्टिल्स लिमिटेडका संस्थापकश्री शंकरलाल अग्रवालको नाममा राखिएको हो । सन १९८० को दशकबाट उद्यमशीलताको यात्राशुरु गरेका अग्रवाल नेपालको नामी उद्योगीको साथ साथैपरोपकारीकार्यको लागि पनि उत्तिकै परिचित छन्। जगदम्बास्टिल्स लिमिटेडले यस्ता कार्यक्रम र पुरस्कारहरुले विद्यार्थी लाई समाजमा अर्थपूर्ण योगदान गर्न प्रेरित गर्ने विश्वास लिएको छ ।
जगदम्बा स्टिल्स लिमिटेडले बस्नेतलाई उनको सफलताको लागिबधाई र उनको आगामी कार्यहरुको लागि शुभकामना व्यक्त गरेको जनाएको छ । यसका साथै विद्यार्थीहरूलाई उनीहरूको पूर्ण क्षमता महसुस गर्ने अवसर प्रदान गरेकोमा थापाथली क्याम्पसलाई बधाई ज्ञापन गरिएको सो कम्पनीले जनाएको छ ।