२५ मंसिर/अर्थ र व्यापार – युनिलिभर नेपालको २९ औँ वार्षिक साधारणसभाबाट आर्थिक वर्ष २०७८/७९को नगद लाभांश अनुमोदन भएको छ।
काठमाडौको बानेश्वरस्थित एभरेस्ट होटेलमा सम्पन्न वार्षिक साधारणसभाले सो आर्थिक वर्षका लागि प्रस्तावित प्रतिकित्ता १ हजार २१५ रुपैयाँ नगद लाभांश अनुमोदन गरेको हो।
लाभांश र वार्षिक साधारणसभा प्रयोजनार्थ कम्पनीले गत मंसिर ४ मा बुक क्लोज गरेको थियो । यसको अर्थ मंसिर ३ सम्म कायम रहेका सेयरधनीहरुले नगद लाभांश पाउनेछन्।
वार्षिक साधारणसभाबाट स्वीकृत भएको लाभांश सेयरधनीहरुले ४५ दिनभित्र पाउने कम्पनीले जनाएको छ।
तपाईको प्रतिक्रिया