२२ मंसिर/अर्थ र व्यापार– सन् २०२२ को फेब्रुअरी महिनाबाट सञ्चालनमा आएको पोखराको अन्नपूर्ण केबलकारले यो वर्ष ३ करोड रुपैयाँ भन्दा बढी आम्दानी गरेको छ ।
केवलकारले संचालनमा आएको पहिलो पाँच महिनामा टिकट बिक्रीबाट २ करोड ९० लाख रुपैयाँ तथा २० लाख रुपैयाँ भाडाबाट संकलन गरेको हो ।
कांस्की जिल्लाको पोखरास्थित सेती बगरदेखि सराङकोट डाडासम्मको दूरीमा केवलकार संचालन गर्दै आएको छ । नेपालको पर्यटकीय सहर पोखरामा सञ्चालनमा रहेको यो केवलकार हाल आन्तरिक तथा बाह्य पर्यटकको आकर्षणमा रहेको छ ।
सञ्चालनमा आय यता ९० हजार १६३ जना मानिसहरुले केबलकारको प्रयोग गरेका छन् । जसमध्ये २० हजार ७७६ अन्तर्राष्ट्रिय पर्यटक रहेको सो केवलकार कम्पनीले जनाएको छ ।
इस कम्पनीले २.३ किलोमिटर दूरीमा केवलकार सञ्चालन गरेको हो । कुल १७ वटा गोन्डोला मार्फत दु्रत गतिको सेवा यस कम्पनीले प्रदान गर्दै आएको छ । सन् २०१० मा केवलकार सेवाको विस्तार गर्ने उद्देश्यका साथ निर्माण भएको अन्नपूर्ण केवलकारले १ अर्ब ९७ करोड ३० लाख रुपैयाँ लगानीमा निर्माण कार्य सम्पन्न गरी केबलकार सेवा सुचारु गरेको हो ।
यस कम्पनीको १ अर्ब ७ करोड ३० लाख रकम ऋण रहेको छ भने बाँकी ९० करोड लगानीकर्ताहरुको सेयर रहेको छ । सो कम्पनीका अनुसार कोरोना विश्व महामारिका कारण निर्माण सामाग्रीको मूल्यमा भएको वृद्धि तथा जग्गा अधिग्रहणका क्रममा जग्गाको मूल्य बढ्दै जानु, केवलकारको संख्यामा भएको वृद्धिले परियोजना निर्माणका क्रममा लागत परियोजना सम्पन्न हुँदा सम्म १२० प्रतिशतले खर्च बढ्न पुगेको थियो ।
यस परियोजनाको सुरुवातमा ८९ करोड ६० लाखको लागत रकम अनुमान गरिएको थियो जुन पछि १ अर्ब ९७ करोड पुगेको थियो । कम्पनीले परियोजना कार्य तोकेको समयमा सम्पन्न गर्न नसक्दा पनि चर्को ब्याजदरको सामना गर्नुपरेकाले लागत खर्च बढेको सो कम्पनीले जनाएको छ ।
बैंक तथा वित्तीय संस्थाहरुले ब्याजदर बढाउदै जानु, पर्यटकको आगमन वर्षभरीका पाँच महिनामा मात्रै हुनुले भने यस केवलकार अपेक्षाकृत रुपमा निरन्तर सञ्चालनमा ल्याउन केही कठिन हुने सो कम्पनीले जनाएको छ ।
यस्तो अवस्थामा पनि नेपाल सरकारले पर्यटन प्रवद्र्धन विशेष प्राथमिकतामा राखेको छ । यसैगरी अन्नपूर्ण केवलकार अन्नपूर्ण संरक्षित क्षेत्र वरपर टेक्रिङ गर्न चाहने आन्तरिक तथा बाह्य पर्यटकका लागि गेटवे रहेको छ । पोखरा पर्यटकीय महत्व दर्शाउने सहरका रुपमा स्थापित भएका कारण पोखरामा घुमघाम गर्न जाने आन्तरिक तथा बाह्य पर्यटकको कमी छैन । जसका कारण पनि यो केबलकार निरन्तर सञ्चालनमा भने खासै समस्या नआउने सो कम्पनीको अपेक्षा छ ।
हाल पोखरामा रहेका साहसिक पर्यटन, प्राकृतिक सम्पदा, धार्मिक सम्पदाहरुले पनि पर्यटक आकर्षण गरिरहेका छन् । यसैगरि, पोखरामा निर्माणाधीन बहुप्रतिक्षित अन्तर्राष्ट्रिय क्षेत्रिय विमानस्थलले पनि पर्यटकको आगमन बढाउने सो कम्पनीको अपेक्षा छ ।
रियल स्टेट तथा रोड सो क्षेत्रमा विगत २५ वर्ष लामो अनुभव बटुलेका कालु गुरुङ यो केबलकार कम्पनीका अध्यक्ष हुन् । अहिले केयर रेटिङ नेपालले कम्पनीलाई १ अर्ब ७ करोड ६२ लाख दीर्घकालीन तथा २ करोड अल्पकालीन कर्जाका लागि बी प्लस र ए४ रेटिङ गरेको छ ।