६ मंसिर/अर्थ र व्यापार– रेमिट्यान्स, फाइनान्स, बैंक, अटो, केबलकार र सिसोर्ट लगायत विविध क्षेत्रमा संलग्न सफल व्यावसायिक घराना आइएमई समूहले हाल काठमाडौको लाजिम्पार्टस्थित ‘होटल लि हिमालय’ खरिद गरेर लिएको छ ।
आइएमई समूहले पर्यटन पूर्वाधारको विभिन्न होटल समालेको यो तेस्रो होटल हो । सर्वप्रथम चन्द्रागिरी हिल्स रिसोर्टबाट हस्पिटालिटी विजनेशमा हात हालेको आइएमई समूहले ६ महिनाअघि मात्र पोखराको लेकसाइड ट्रिप रिसोर्ट सञ्चालनमा ल्याएको थियो ।
कोरोना विश्व महामारीले थलिएको मुलुकको पर्यटन क्षेत्र विस्तारै लयमा फर्कदैँ गर्दा अहिले आइएमई समूहले लाजिम्पार्टमा चलिरहेको हिमालय लि होटल लिएर सञ्चालन गरेको हो ।
स्वदेशी र विदेशी सबै पर्यटकलाई लक्षित गरी यो होटल सञ्चालनमा ल्याएको बेस्ट रिजोर्ट नेपाल हस्पिटालिटिका प्रमुख कार्यकारी अधिकृत (सीईओ) अभिषेक विक्रम शाहले जानकारी दिए ।
उनले ग्राहकलाई सुलभ मूल्यमा पाँचतारे होटलको जस्तो सेवा दिइरहेको बताए । ‘आनन्दले घुम्ने योजनाकासाथ काठमाडौं आएका आन्तरिक तथा बाह्य पर्यटकलाई यस होटल लि हिमालयले सहुलियत एवं निकै आकर्षक मुल्यमा पाँचतनरे होटलको जस्तै उच्चस्तरको गुणस्तरीय सेवा दिन्छ’ सीईओ शाहले भने ।
यसैगरि, सीईओ शाहले सहरी क्षेत्रमा तत्काल सेवा विस्तार गर्ने लक्ष्यकासाथ काठमाडौंको केन्द्रीय क्षेत्र लाजिम्पाटमा सञ्चालित होटल लिएको बताए ।’लाजिम्पाट व्यवसायिक हिसावले निकै महत्वपूर्ण स्थान हो, धेरै देशका दूतावासहरु यस क्षेत्रमा छन् , ठूला कर्पोरेट हाउसहरु यसै क्षेत्रमा केन्द्रीत छन् । ‘विदेशी पर्यटकको लागि पनि यो सजिलो गन्तव्य हो’ शाहले भने ।
होटल लि हिमालय थ्रीस्टार वर्गको होटल हो । हाल होटल लि हिमालयमा ५० वटा कोठाहरु छन् । एउटा कन्फ्रेन्स (सभा) हल रहेको छ । सभा हलको क्षमता १५० जना भन्दा बढी रहेको छ । यसैगरि, होटल भित्रै एउटा रेष्टुरेण्ट एण्ड बार छ । यस होटलमा कर्पोरेट हाउसहरुको लागि भनेर एउटा बोर्ड रुम बनाइएको छ । हाल यस होटलमा रुफटप रेष्टुरेन्ट थप्न लागिएको शाहले जानकारी दिए ।
उनले होटल सहरको केन्द्रीय भागमा रहेकोले र प्रयाप्त पार्किङ व्यवस्था रहेको उनले बताए।
उनले व्यवसायिक भेटघाट, बैठक, सेमिनार, तालिम, गोष्ठि, पार्टी आयोजना गर्नकालागि होटल ले हिमालय असाध्यै उपयोगि रहेको बताए । ‘घरमा पाहुना आयो भने खुसी हुने हाम्रो संस्कार हो, हामी ‘अथिति देवो भवः’ भन्छौं, यसलाई आत्मसात गरेका छौं’ उनले भने । यस होटलले उत्कृष्ट स्वादका परिकारसहित उत्कृष्ट सेवा दिने र ग्राहकले अफोर्डएवल मूल्यमा फाइभ स्टार होटलको जस्तो सुविधा उपभोग गर्न पाउने दावी गरे ।
आइएमई ग्रुपले सञ्चालनमा ल्याएका धेरै जस्तो सेवाहरु आईएमई ब्राण्डमा छन् । तर, होटल क्षेत्रमा भने आइएमई समूहको ब्राण्ड प्रयोग गरिएको छैन । अब विस्तारै आइएमई समूहको नामबाट नै होटलहरुको नामाकरण गर्नेबारे निर्णय हुन सक्ने शाहले जानकारि दिए । यत्तिको व्यवसायीक घरनाले अब आफ्नो विशेष एउटा ब्राण्ड त बनाउनै पर्छ, एउटा स्ट्याण्डर्डमा चल्नैपर्छ, यसबारे गृहकार्य भईरहेको जानकारी गराउँदै शाहले भने, ‘हामी होटल क्षेत्रमा नेपाली ब्राण्ड सिर्जना गर्न चाहान्छौं, तर नाम अहिले नै फाइनल भएको छैन ।’
तपाईको प्रतिक्रिया