२४ असार/अर्थ र व्यापार – नेपाल वायुसेवा निगमका कार्यकारी अध्यक्ष युवराज अधिकारीलाई तत्काल नहटाउन सर्वोच्च अदालतले अल्पकालीन अन्तरिम आदेश दिएको छ । पूर्वसंस्कृति, पर्यटन तथा नागरिक उड्डयनमन्त्री प्रेमबहादुर आलेले निलम्बन गरेका अधिकारी सर्वोच्च अदालतमा गएका थिए ।
न्यायाधीश तिलप्रसाद श्रेष्ठको एकल इजलासले गत बिहीबार गरेको सुनुवाइपछि कार्यकारी अध्यक्षमाथि छानबिन गर्नुपरे पनि निलम्बन गर्नु नपर्ने ठहर गर्दै निर्णय कार्यन्वयनमा रोक लगाएको हो ।
योसँगै पर्यटन मन्त्रालयले नियुक्त गरेको अस्थाई महाप्रबन्धकलाई समेत हाललाई कार्यन्वयन नगर्न आदेश दिएको छ । मन्त्रालयले क्याप्टेन दीपु ज्वारचनलाई अस्थायी महाप्रबन्धक नियुक्त गरेको थियो ।