६ बैशाख/अर्थ र व्यापार – ‘आईएमई पे’ ले हवाई टिकटको नयाँ योजना सार्वजनिक गरेको छ । पहिलो पटक आईएमई पे एप प्रयोग गर्ने सेवाग्राही वा पहिलो पटक आईएमई पे एपबाट हवाई उडान टिकट काट्ने सेवाग्राहीहरूले एपमार्फत हवाई उडान टिकट काट्दा सर्वाधिक क्यासब्याकको साथै अतिरिक्त ३ सय रुपैयाँ छुट प्राप्त गर्ने प्रबन्ध मिलाइएको हो।
यात्राका लागि सबैभन्दा सहज माध्यम हवाई उडान भएकाले, आईएमई पेले यात्रुलाई हवाई उडानमार्फत यात्रा गर्न प्रोत्साहन दिन समय–समयमा यस्ता योजनाहरु प्रस्तुत गर्दै आएको जनाएको छ ।
यस नयाँ योजनाअनुसार हवाई उडान टिकटमा ५ सय ५ सम्मको छुटदेखि लिएर नेपालको कैयौं रमणीय गन्तव्यको फ्री हवाई टिकट प्रदान गर्ने जस्ता योजनाहरु पनि ल्याइएको छ ।
सो योजनामा कम्पनीले निश्चित सेवा र शर्तहरू निर्धारण गरेको छ । पहिलो पटक आईएमई पे एप प्रयोग गर्ने सेवाग्राही वा पहिलो पटक आईएमई पे एपबाट हवाइ उडान टिकट काट्ने सेवाग्राहीहरुले मात्र यो अफरमार्फत छुट पाउनेछन् भने फर्स्ट टाइम युजर्सहरुले आईएमई पे एपको पूर्व उल्लेखित क्यास ब्याकको साथै ३ सय रूपैयाँ अतिरिक्त छुट पाउनेछन् ।
अरु प्रयोगकर्ताहरुले नियमित सर्वाधिक क्यास ब्याकमा आईएमई पे एपमार्फत हवाई उडान टिकट बुक गर्न सक्नेछन् ।