२२ फागुन/अर्थ र व्यापार– आइएमई जनरल इन्स्योरेन्स कम्पनी लिमिटेडले आज आइतबारदेखि हकप्रद शेयर निष्काशन तथा बिक्री खुला गरेको छ । सो कम्पनीले प्रतिकित्ता १ सय रुपैयाँ अंकित दरमा ४६ करोड ३० लाख ३४ हजार ४०० रुपैयाँ बराबरको ४६ लाख ३० हजार ३ सय ४४ कित्ता हकप्रद शेयर निष्काशन गरेको हो । यो कम्पनीको हाल कायम चुक्ता पूँजीको ४० प्रतिशत हो ।

कम्पनीको हकप्रद शेयरमा छिटोमा आगामी १३ चैतसम्म आवेदन दिन सकिने छ । यस कम्पनीको हकप्रदलाई रेटिङ एजेन्सी इक्रा नेपालले ‘इक्राएनपीआई आर ट्रिपल बी रेटिङ प्रदान गरेको छ । यस रेटिङले कम्पनी समयमा आफ्नो वित्तीय दायित्व पूरा गर्न सुरक्षित रहेको संकेत गर्दछ ।
यसैगरि, यो कम्पनीले हकप्रद शेयर प्रयोजनार्थका लागि गत १ फागुनमा बुक क्लोज गरेको थियो । त्यसैले, गत २७ माघको बिहीबारसम्म नेपाल स्टक एक्सचेञ्जमा कारोबार भई कायम हुने शेयरधनीहरूले मात्र हकप्रद शेयरमा आवेदन दिन पाउने बताईएको छ ।
यो कम्पनीको हकप्रद शेयर निष्काशन तथा बिक्री प्रबन्धकमा ग्लोबल आइएमई क्यापिटल लिमिटेड रहेको छ । हकप्रदमा ग्लोबल आइएमई क्यापिटल, आइएमई जनरल इन्स्योरेन्सका सम्पूर्ण शाखा कार्यालयबाट आवेदन दिन सकिने सो कम्पनीले जनाएको छ ।