logo

एसजी ग्रुपद्वारा ग्यास प्रयोगबारे सचेतना फैलाउन कलाकारद्दोय दीपक र दीपालाई बनायो ब्रान्ड एम्बेसडर

    605   पटक पढिएको

५ मंसिर / अर्थ र व्यापार – खाना पकाउने एलपी ग्यास क्षेत्रमा सबैभन्दा बढी लगानी गरेको एसजी ग्रुपले कलाकारद्वय दीपकराज गिरी र दीपाश्री निरौलालाई ब्रान्ड एम्बेसडर नियुक्ति गरेको छ । ग्यास उद्योग क्षेत्रमै पहिलोपटक ब्रान्ड एम्बेसडर नियुक्त गरेको ग्रुपले ग्यास प्रयोगबारे सचेतना वृद्धि गर्न कलाकारद्वय गिरी र निरौलासँग सहकार्य गर्ने जनाएको छ ।
नेपाल आयल निगमका अनुसार मुलुकभर ५८ ग्यास उद्योग छन् । त्यसमध्ये एसजी ग्रुपमातहत ७ उद्योग रहेका छन् । ग्रुपका अध्यक्ष शिवप्रसाद घिमिरेका अनुसार सुनसरीमा प्रिमा र कामख्य ग्यास, मकवानपुरमा साहारा ग्यास, काठमाडौंमा एभरेस्ट ग्यास, धादिङमा सुगम ग्यास, भैरहवामा त्रिशूल ग्यास र धनगढीमा सैपाल ग्यास उद्योग छन् । यी सबै उद्योगको २० लाख ग्यास सिलिन्डर बजारमा छन् । यसबाट सात लाखभन्दा बढी घरपरिवार लाभान्वित भइरहेको उनले बताए ।
‘वर्षेनी  ग्यासको खपत बढ्दै गएको छ । सँगसँगै यसको प्रयोग गर्न नजान्दा दुर्घटना पनि निम्तिरहेका छन्,’ घिमिरेले भने, ‘ब्रान्ड एम्बेसडरले ग्यास प्रयोगबाट दुर्घटना न्यूनीकरण हुने गरी सचेतनामूलक कार्यक्रम गरी आमउपभोक्तामा जागरण पैदा गर्न सहयोग मिल्ने विश्वास लिएको छु ।’
एसजी ग्रुप मातहतका ग्यास उद्योग पूर्वदेखि पश्चिमसम्मका सबै उपभोक्तालाई सेवा दिइरहेकाले सचेतना वृद्धिका कार्यक्रम गर्नु जरुरी रहेको घिमिरेले बताए । ‘अरू उद्योगीका एक–दुईवटा उद्योग छन् र उहाँहरूको कार्यक्षेत्र सानो छ । तर, हामी देशभर पैmलिएर ग्यास कारोबार गरिहेकाले सबै उपभोक्तालाई सचेतना कार्यक्रम गर्न सजिलो हुने देखेर ब्रान्ड एम्बेसडर नियुक्त गरेका हौँ,’ उनले भने ।
हाल यस ग्रुप मातहत ३ हजारभन्दा बढी ग्यास डिलर रहेका छन् । यसैगरि, उनले ग्रुपले सातवटै ग्यास उद्योगलाई सञ्चालन गर्ने गरी ‘एभरेस्ट ग्यास संसार’ कम्पनी खोलेको र सबै कारोबार तथा सचेतना वृद्धिका कार्यक्रम पनि सोही कम्पनीबाट सञ्चालन हुने बताए ।  

तपाईको प्रतिक्रिया

सम्बन्धित शीर्षकहरु

मुख्य खबर

यूएनडीपीको निष्कर्ष: धनीका कारण गरिब देश झन पछाडि परे, मानव विकास सूचकांकमा नेपालको स्थिति मध्यम

धनी देशले मानव विकास लक्ष्य हासिल गर्दागर्दै गरिब देश झनै पछाडि परेको निष्कर्ष संयुक्त राष्ट्र संघीय विकास कार्यक्रम (यूएनडीपी) ले निकालेको छ ।

ललिता निवास क्षेत्र खाली गर्न काठमाडौं महानगरले दियो ७ दिने म्याद

काठमाडौं महानगरपालिकाले कामनपा वडा नं. ४ मा रहेको बालुवाटारस्थित ललिता निवास क्षेत्रबाट आफैँ हट्न व्यक्ति, कम्पनी र संघसंस्थाहरुलाई अनुरोध गरेको छ ।

ल्याण्डमार्क होटल्स एण्ड रिसोर्टको भैरहवामा नयाँ होटल सञ्चालनमा, भारतिय र श्रीलंकाका पर्यटकहरुलाई आकर्षित गर्ने योजना

ल्याण्डमार्क होटल्स एण्ड रिसोर्टले भैरहवामा होटल ल्याण्डमार्क भैरहवा सञ्चालनमा ल्याएको छ । ल्याण्डमार्क होटल्स एण्ड रिसोर्टले यसअघिदेखि नै पोखरा, चितवन र काठमाडौँमा ल्याण्डमार्क होटल

भ्रष्टाचारको छानबिनमा आयोगलाई सरकारको पूर्ण सहयोग रहन्छ: प्रधानमन्त्री

प्रधानमन्त्री पुष्पकमल दाहालले भ्रष्टाचारजन्य घटना छानबिन र अनुसन्धानमा अख्तियार दुरुपयोग अनुसन्धान आयोगलाई सरकारको पूर्ण समर्थन र सहयोग रहने बताएका छन् ।

मनोरञ्जन

१० करोड रुपैयाँ लगानीको दीपक र दीपाको सिनेमा हल संचालनमा

कलाकारहरु दीपकराज गिरी, दीपाश्री निरौला र निर्मल शर्माको लगानी रहेको मल्टिलप्लेक्स हल शुक्रबारबाट संचालनमा आएको छ ।

पाण्डेको ‘सहायक श्रीमान’लाई अमेरिकामा उत्कृष्ट अन्तर्राष्ट्रिय डकुमेन्ट्री अवार्ड

नेपालका कतिपय हिमाली क्षेत्रमा विद्यमान बहुपति प्रथाका बारेमा निर्मित वृत्तचित्र ‘सहायक श्रीमान’ (को–हजबेन्ड)ले आठौं कब इन्टरनेसनल फिल्म फेस्टिवलमा उत्कृष्ट उपाधि जितेको छ ।

बल्कबष्टर नेपाली फिल्म अवार्ड सम्पन्न, सम्पादक बगालेसहित विभिन्न व्यक्तित्व सम्मानित

विगत १६ वर्षदेखि निरन्तर रूपमा आयोजना हुँदै आएको ब्लकबस्टर नेपाली फिल्म अवार्ड २०७८ भव्य रूपमा सम्पन्न भएको छ ।