१२ कात्तिक/अर्थ र व्यापार – नेपालको प्रतिष्ठित व्यावसायिक घराना चौधरी समूह अन्तर्गतको सीजी फुड्सले रसियाको गालिना बालान्का (जीबी फुड्स) कम्पनी किनेको छ । चर्चित चाउचाउ ब्रान्ड वाईवाई उत्पादन गर्दै आएको सिजी फुड्सले गालिना बालान्का रसिया तथा सीआईएस (कमनवेल्थ अफ इन्डिपेन्डेन्टस स्टेट) लाई किनेको हो । 
सिजी ग्लोबल कर्पले यो कम्पनीको स्वामित्व लिएको जानकारी दिएको छ । जीबी फुड्सको रसियामा रहेको सो कम्पनी खरिद बिक्रीको सम्झौता भएको सिजी फुड्सले जानकारी दिएको छ । 
जीबी फुड्स स्पेनिस ब्रान्ड हो । यसको रसिया तथा सीआईएस क्षेत्रको स्वामित्व सीजीले किनेको बताइएको छ । ’जीबी फुड्को रसिया÷सीआईएस को ब्यापार स्वामित्व सिजी फुड्समा आएको छ । सीजी कर्प ग्लोबल अन्तर्गत यसको स्वामित्व आएपछि सीजी फुड्सका नाममा कम्पनीको रुपान्तरण हुने विश्वास छ’ कम्पनीले भनेको छ ।