१ असोज / अर्थ र व्यापार – नेपाल एलपी ग्याँस उद्योग संघको अध्यक्षमा कुशप्रसाद मल्ली निर्विरोध निर्वाचित भएका छन् । संघको बिहीबार सम्पन्न साधारणसभाबाट मल्ली निर्विरोध निर्वाचित भएका हुन् ।
साधारणसभापछि  सुरु भएको चुनाबी प्रक्रिया अघि बढेर विजयहरी शर्मा र पूर्व अध्यक्ष सावरमल अग्रवालले अध्यक्षमा मनोनयन गरेपनि मल्ली सर्वसम्मत भएका हुन्। अध्यक्षमा निर्वाचित भएका मल्लीको हाल राजधानी, एचपी र आरती ब्रान्डका ग्याँस छ । 
संघका निवर्तमान अध्यक्ष गोकुल भण्डारीले सर्वसम्मत नेतृत्वका लागि पहल गरेका थिए । सहमतिका लागि भण्डारी, पूर्व अध्यक्ष शिवप्रसाद घिमिरे, राजेन्द्र डल्लाकोटी, जीतबहादुर कार्की र राजेन्द्र कावराको समिति समेत बनाइएको थियो । यसैगरि,संघको विशिष्ट सदस्यमा राजेन्द्र डल्लाकोटी चयन भएका छन्।
उनी संघको नेतृत्वले व्यवसायिक हितमा काम नगरेको भन्दै चार वर्ष अघि वाहिरिएका थिए । केही दिन अघि मात्रै डल्लाकोटी संघमा फर्किएका थिए। श्रीकृष्ण ग्यासका संचालक रहेका डल्लाकोटी  पूर्व उपाध्यक्ष समेत हुन् । संघको बरिष्ठ उपाध्यक्षमा शंकर श्रेष्ठ निर्विरोध निर्वाचित भएका छन् । उपाध्यक्षमा दिवान चन्द र मनोजकुमार दास निर्विरोध भएका छन्।
महासचिवमा कृष्णभक्त श्रेष्ठ, कोषाध्यक्षमा धर्मराज बर्तौला र सचिवमा आशिष जाजोदिया निर्विरोध निर्वाचित भएका छन् । संघको कार्यसमितिका सदस्यहरुमा लोकहर्ष शाक्य, बाबुराम पोखरेल, सुनिल सिन्हा, मनोजकुमार बुढाथोकी, अच्युत नेपाल, युवक राजभण्डारी, सुदीप घिमिरे र राजकुमार सिन्धी निर्वाचित भएका छन् ।