१ असोज / अर्थ र व्यापार – आइएमईले पर्व लक्षित दसैंमा डबलको डबलको डबल अफर सार्वजनिक गरेको छ । १ असोजदेखि आगामी २६ कात्तिकसम्मको ५७ दिनका लागि सो कम्पनीले यो नयाँ योजना ल्याएको जनाएको छ । 
कम्पनीका अनुसार आइएमईका एजेन्ट, आइएमई पे र बैंक ट्रान्सफर गर्दा हरेक साता दुई जनालाई पठाएको रकमको दुई गुणा, हरेक महिना दुई जनालाई डबलको डबल चार गुणा र बम्परमा एक जनालाई डबलको डबलो डबल आठ गुणा रकम दिइने छ । आइएमई पेमा रकम प्राप्त गर्दा दुईसय थप बोनसको व्यवस्था हुने सो कम्पनीले जनाएको छ ।

कम्पनीका प्रमुख कार्यकारी अधिकृत सुमन पोखरेलले ग्राहकले आइएमईप्रति देखाएको भरोसा अनुसार यस नयाँ योजना ल्याएको बताए । यसैगरि, आइएमईका महाप्रवन्धकद्धय खिलेन्द्र पौडेल र रुद्रराज पौडेलले योजनाका बारेमा जानकारी गराएका थिए । कम्पनीका अनुसार सेवा र शर्त अनुसार भाग्यशाली विजेताको छनोट प्रविधिमा आधारित ‘लक्की ड्र’ मार्फत गरिनेछ । योजनामा आइएमईका संस्थापक, आइएमई ग्रुपमा कार्यरत कर्मचारीहरू, आइएमईका व्यवसायिक साझेदार(एजेन्ट पार्टनर) तथा आइएमई सम्बद्ध कुनै पनि व्यक्ति यो योजनामा सहभागी हुन नपाउने सो कम्पनीले जनाएको छ ।