२० भाद्र / अर्थ र व्यापार– सामसङ नेपालले नयाँ फोल्डएबल फोन ‘ग्यालेक्सी जेड फ्लिप–३ ५–जी’ नेपाली बजारमा सार्वजनिक गरेको छ ।
सामसङ नेपालद्धारा आइतबार राजधानीमा आयोजित कार्यक्रममा सामसङले नयाँ ‘ग्यालेक्सी जेड फ्लिप–३ ५–जी’ सार्वजनिक गरेको हो। सामसङ मोबाइल नेपालका बिजनेस प्रमुख प्रणयरत्न शाक्य र पुुर्व मिस नेपाल सदिक्षा श्रेष्ठले संयुक्त रुपमा सो स्माटफोन सार्वजनिक गरेका हुन ।
स्टाइलिस डिजाइन भएको ‘ग्यालेक्सी जेड फ्लिप–३ ५–जी’मा दुईवटा स्क्रिन मेन स्क्रिन र कबर स्क्रिन रहेको छ । मेन स्क्रिनमा ६.७ इन्चको डाइनामिक एमोलेड इन्फिनिटी फ्लेक्स डिस्प्ले छ । कवर स्क्रिनमा १.९ इन्चको सुपरएमोलेड डिस्प्ले छ ।
सामसङले स्मार्टफोन १२ जीबी ¥याम र २५६ जीबी स्टोरेज भेरियन्टको ग्यालेक्सी जी फोल्ड ३ फाइभ–जीको मूल्य दुई लाख १९ हजार ९९९ रुपैयाँ तोकेको छ भने १२ जीबी ¥याम र ५१२ जीबी स्टोरेज भेरियन्टको मूल्य दुई लाख २९ हजार ९९९ रुपैयाँ निर्धारण गरेको छ ।
यसैगरि, ८ जीबी ¥याम र २५६ जीबी स्टोरेज भेरियन्टको ग्यालेक्सी जी फ्लिप ३ को मूल्य एकलाख २४ हजार ९९९ रुपैयाँमा उपलब्ध हुने सो कम्पनीले जनाएको छ ।
प्रयोगकर्ताले फोन फ्लिप गरेर दुवै स्क्रिन प्रयोग गर्न सक्नेछन् । यसमा १२० हर्जको रिफ्रेस रेट छ । यो फोल्डएबल फोनको रियर क्यामरामा १२ मेगापिक्सलको अल्ट्रा–वाइड क्यामरा र १२ मेगापिक्सलको वाइड क्यामरा छ । यसैगरी, यसमा १० मेगापिक्सलको सेल्फी क्यामरा छ ।
यसको क्यामरामा भएको फ्लेक्स–मोडबाट प्रयोगकर्ताले हातबिना नै सेल्फीहरु खिच्न सक्छन्। क्यामरा क्विक सट फिचर पनि छ जसले किबर स्क्रिनबाट फोटो र भिडियो खिच्छ । ‘ग्यालेक्सी जेड फ्लिप–३ ५–जी’ अपग्रेडेड स्टेरियो स्पिकर र डोल्बी एटोमका साथ आएको छ । ५–एनएम ६४ बिट अक्टा–कोर प्रोसेसरले बनेको यो फोनमा ८ जिबी र्याम र २५६ जिबी आन्तरिक स्टोरेज छ । यसमा ३ हजार ३ सय एमएएचको ब्याट्री पावर छ । चार्जिङमा भने १५ वाटको फास्ट चार्जिङ, १० वाटको फास्ट र ४।५ वाटको रिभर्स वायरलेस चार्जिङ छ । आइपिएक्स रेटिङमा ८ पाएको यो फोल्डएबल फोन पानी प्रतिरोधी पनि छ ।
‘ग्यालेक्सी जेड फ्लिप–३ ५–जी’ क्रिम, लाभेन्डर र फ्यान्टम ब्ल्याक रङमा उपलब्ध छ ।
सामसङ नेपालले ग्यालेक्सी जी सिरिजका दुई प्रिमियम स्मार्टफोनको बिक्री सुरु भएको जानकारि गराउने क्रममा सामसङ मोबाइल नेपालका बिजनेस प्रमुख प्रणयरत्न शाक्यले नेपाली उपभोक्ताबीच नयाँ मोडलहरु सार्वजनिक गरिएको बताए । उनले अत्याधुनिक प्रविधियुक्त फोनहरुले उपभोक्तामा नयाँ उत्साह प्रदान गर्ने बताए । यी दुवै स्मार्टफोनहरुमा सामसङले अन्डर डिस्प्ले क्यामेरा प्रविधिको प्रयोग गरेको छ । फोटो वा भिडियो खिच्दा क्यामेराको भाग स्क्रिन भित्रै देखिएपनि अन्य कार्यहरु गर्दा क्यामेराको लेन्स हराउने सो कम्पनीले जनाएको छ । फोनमा मेन तथा कभर स्क्रिनहरुमा १२० हर्ज एडेप्टिभ रिफ्रेस रेट रहेकाले प्रयोगकर्ताहरुलाई सहज स्क्रोलिङ अनुभव मिल्ने बताइएको छ ।
त्यसैगरि, फुल्ली अप्टिमाइज एस पेनले ग्यालेक्सी जी फोल्ड ३ मा एस पेन फोल्ड एडिसन तथा एस पेन प्रो गरी एस–पेन दुई विकल्पमा अनुभव गर्न सकिने कम्पनीले जनाएको छ ।
त्यसैगरी, ग्यालेक्सी जी फोल्ड ३ मा फ्लेक्स मोड फिचर्स जस्ता सुविधाले माथिल्लो स्क्रिनमा भिडियो च्याट र तल्लो स्क्रिनमा मिटिङ नोटहरु सँगसँगै हेर्न सक्ने बताइएको छ। यो फोन ग्यालेक्सी फोल्ड २ भन्दा पातलो र हलुका रहेको सो कम्पनीले जनाएको छ।
ग्यालेक्सी जी होल्ड ३ तीन वटा रङमा उपलब्ध छन्। फ्यान्टम ब्ल्याक, फ्यान्टम ग्रीन र फ्यान्टम सिल्भर रङमा खरिदगर्न सकिने सो कम्पनीले जनाएको छ। यस स्मार्टफोन सेल्फ–एक्पेरियन्सका लागि उपयुक्त डिभाइस भएको सो कम्पनीको दाबी छ । ग्यालेक्सी जी फ्लिप ३ फाइभ–जीको कभर स्क्रिन पहिलेको भन्दा चार गुणा ठूलो रहेको छ । जसका कारण फोनलाई अनफोल्ड नै नगरी बाहिरबाटै नोटिफिकेसन हेर्न सकिने सो कम्पनीले जनाएको छ ।
यसैगरि, सामसङ नेपालले ग्यालेक्सी जीका दुईवटा स्मार्टफोनकासाथै स्मार्ट वाच र इयर बड्स पनि नेपाली बजारमा ल्याएको छ । ग्यालेक्सी वाच फोर सिरिज अन्तर्गत ग्यालेक्सी वाच फोर क्लासिक दुई आकारमा उपलब्ध छन्। नेपाली बजारमा ग्यालेक्सी वाच फोर क्लासिक ४६ एमएमको ४९ हजार ९९९ रुपैयाँ र ४२ एमएमको ४६ हजार ९९९ रुपैयाँ रहेको सो कम्पनीले जनाएको छ । त्यसैगरि, ग्यालेक्सी वाच फोर पनि दुईवटै आकारमा उपलब्ध छन्। ४४ एमएमको मूल्य ३६ हजार ९९९ रुपैयाँ र ४० एमएमको ३४ हजार ९९९ रुपैयाँ रहेको सो कम्पनीले जनाएको छ । ग्यालेक्सी बड्स २ को मूल्य भने सामसङ नेपालले १७ हजार ९९९ रुपैयाँ तोकेको छ ।
तपाईको प्रतिक्रिया