१९ साउन/अर्थ र व्यापार– बुद्ध एयरले आगामी साउन ३१ गतेदेखि भरतपुर–भैरहवा उडान सुरू गर्ने भएको छ । 
कम्पनीले साउन ३१ गतेदेखि भरतपुर–भैरहवा सातामा ३ उडान गर्ने भएको हो ।

नारायणगढ–बुटवल सडकखण्ड भईरहेको सडक विस्तारका कारण यात्रुहरुले सास्ती खेप्न नपरोस भनी उडान सुरू गरिएको बुद्ध एयरले जनाएको छ ।

भरतपुर–भैरहवा उडानले चितवन र लुम्बिनीको पर्यटनलाई जोड्दै पर्यटन आगमनलाई सहज तुल्याउने बुद्ध एयरले विश्वास लिएको छ ।

भरतपुर–भैरहवाको भाडादर २८३५ रूपैयाँदेखि ४३३५ रूपैयाँसम्म तोकेको छ ।