१५ साउन/अर्थ र व्यापार– नेपाल वायुसेवा निगमले साउदी अरबतर्फ नियमित उडान सुरु गर्ने भएको छ । निगमले दुई वर्ष अघिदेखि साउदी अरबमा उडानका लागि प्रक्रिया सुरु गरे पनि जीएसएको टुंगो लागेको थिएन ।
जेनरल सेल्स एजेन्ट छनोट भएसँगै निगमले आगामी दसैं अघि नै साउदी उडान सुरु गर्ने योजना रहेको जनाएको छ । निगमले जेद्दा स्थित एम/एस फैसालिआ मोडर्न एभिएसनलाई जेनरल सेल्स एजेन्टमा छनोट गरेको हो ।
निगमका अनुसार केहीगरी नियमित उडान नभएको अवस्थामा रिपाट्रेसन फ्लाइट गर्ने तयारी गरिरहेको जनाएको छ ।
रोजगारीमा गएका नेपाली नागरिकको आउजाउ सहजतालाई ध्यानमा राखी निगमले यो गन्तव्यमा नियमित उडान सुरु गर्न लागेको जनाएको छ । साथै भाडा दर पनि सस्तिने अपेक्षा गरिएको छ ।
साउदीमा निजी अन्तर्राष्ट्रिय वायुसेवा कम्पनी हिमालय एयरलाइन्सले नियमित उडान गर्दै आएको छ ।
तपाईको प्रतिक्रिया