६ साउन/अर्थ र व्यापार– नेपाल एयरलाइन्सले कोरोना विरुद्धको खोप लिन आजबाट चीनको राजधानी बेइजिङमा लगातार तीन उडान गर्ने भएको छ ।
नेपाल वायुसेवा निगमका अनुसार सरकारले चीनबाट खरीद गरेको कोरोना विरुद्धको खोप लिन नेपाल एयरलाइन्सको जहाजले आजबाट चीनको राजधानी बेइजिङमा लगातार तीन उडान गर्ने भएको हो ।
सरकारले कोरोना विरुद्धको ४० लाख डोज खोप चीनबाट किनेको छ । भने चिनले यसअघि अनुदानमा थप १६ लाख खोप उपलव्ध गराएको थियो ।
दोस्रो खेप लिनका लागि नेपाल एयरलाइन्स आज साँझ जहाज बेइजिङ उड्दैछ । यो जहाज बिहीबार काठमाडौं अवतरण गर्नेछन् । अर्को खेपको लागि बिहीबार साँझमा नै जहाज पुनः बेइजिङ फर्किने छ र शुक्रबार काठमाडौं आउने छ । अर्को उडानका लागि शनिबार साँझ बेइजिङ फर्किने छ र आइतबार काठमाडौं आउने छ ।
यसअघि निगमले २५ असारमा पहिलो खेप ल्याएको थियो । सो बेला ८ लाख ९ हजार ६ सय डोज खोप नेपाल आएको थियो । वाइडबडी जहाज ए–३३९ जहाजले एक पटकमा ८ लाख भन्दा केही बढी खोप ल्याउन सक्ने नेपाल वायुसेवा निगमले जनाएको छ ।
तपाईको प्रतिक्रिया