४ साउन/अर्थ र व्यापार– सिंगापुरको राष्ट्रिय ध्वजावाहक कम्पनी सिंगापुर एयरलाइन्सले करिब दुई दशक पछि नेपालमा पुनः नियमित उडान सुरु गरेको छ ।
सिंगापुर एयरलाइन्सको नेपालका लागि जेनरल सेल्स एजेन्ट एभरेष्ट एक्सप्रेस टुर्स एण्ड ट्राभलका संचालक सुधीर पाण्डेले आइतबारदेखि नियमित उडान सुरु भएको बताए । उनले अब सिंगापुर एयरलाइन्समार्फत दुईतर्फी उडान हुने जानकारी दिए ।
यस अघि सिल्क एयरले नेपालमा बोइङ ७३७ मार्फत नियमित उडान गथ्र्यो । सिंगापुर एयरलाइन्स सिल्क एयरको प्यारेन्ट कम्पनी हो । सिल्क सिंगापुरमा गाभिएपछि सिंगापुर एयरलाइन्सको नेपालमा यो पहिलो उडान हो । आइतबार सिंगापुर एयरलाइन्सको पहिलो उडानमार्फत एक सय नौ यात्रु नेपाल आएको थियो ।
कम्पनीले आउँदो अगस्ट ८ तारिखदेखि बोइङ ७८७ सिरिजको ड्रिमलाइनर जहाजमार्फत उडान संचालन गर्ने पाण्डेले बताए । अहिले सिंगापुर सरकारले ट्रान्जिट यात्रुलाई लैजान दिएको छैन तर । सिंगापुर सरकारले स्विकृत गरेका यात्रु र कार्गो उडान गर्न पाइन्छ । साथै सिंगापुरबाट नेपाल आउन भने पाउने पाण्डेले बताए ।
नागरिक उड्डयन प्राधिकरणका प्रवक्ता राजकुमार क्षेत्रीले पहिला व्यवसायिक सम्भाव्यता कम देखेपछि उडान बन्द गरेको सिंगापुर एयरलाइन्सले व्यवसायिक फाइदा देखेर पुनः नियमित उडान सुरु गरेको जानकारी दिए ।
तपाईको प्रतिक्रिया