logo

सात महिनामा वाणिज्य बैंकहरुमा साढे ३ खर्ब निक्षेप थपियो

    157   पटक पढिएको


१५ चैत/अर्थ र व्यापार – चालु आर्थिक वर्षको पछिल्लो ७ महिनामा वाणिज्य बैंकहरुमा ३ खर्ब ५६ अर्ब ९० करोड रुपैयाँ निक्षेप थपिएको छ । नेपाल बैंकर्स संघले उपलब्ध गराएको विवरण अनुसार चालु वर्ष माघ मसान्तसम्म २० मध्ये १६ बैंकले निक्षेप बढाउँदा ४ बैंकको निक्षेप भने खुम्चिएको छ।
असार मसान्तसम्म वाणिज्य बैंकहरुको कुल निक्षेप संकलन ५० खर्ब ८६ अर्ब रहेकामा माघसम्म आइपुग्दा ५४ खर्ब ४३ अर्ब रुपैयाँ पुगेको छ।
७ महिनामा एनआईसी एशिया बैंकले सबैभन्दा धेरै ५३ अर्ब ३६ अर्ब निक्षेप बढाएको छ। गत असार मसान्तसम्म एनआईसी एशिया बैंकको कुल निक्षेप ३ खर्ब १४ अर्ब रहेकामा माघमा आइपुग्दा ३ खर्ब ६७ अर्ब रुपैयाँ पुगेको छ।
यसैगरी, नेपाल इन्भेष्टमेन्ट मेगा बैंकमा ४१ अर्ब ९६ करोड, नबिल बैंकमा ३५ अर्ब ५० करोड र कृषि विकास बैंकमा २८ अर्ब ९१ करोड रुपैयाँ निक्षेप थपिएको छ।
निक्षेप माघसम्म नेपाल इन्भेष्टमेन्ट मेगा बैंकको ४ खर्ब ७५ करोड, नबिलको ४ खर्ब ३८ अर्ब र कृषि विकासको २ खर्ब २८ अर्ब रुपैयाँ पुगेको छ।
यस अवधिमा सबैभन्दा कम निक्षेप संकलन गर्ने बैंक कुमारी हो। कुमारी बैंकले ७ महिनामा ५ अर्ब ७८ करोड निक्षेप बढाएको छ। माघसम्म कुमारीसँग कुल ३ खर्ब ३२ अर्ब निक्षेप छ।
सबैभन्दा धेरै निक्षेप हुने बैक ग्लोबल आइएमई हो। यो बैंकसँग माघसम्म ४ अर्ब ६८ अर्ब रुपैयाँ निक्षेप छ। त्यसमध्ये २९ अर्ब ५१ करोड रुपैयाँ सात महिनामा थपिएको हो।
बैंकहरुले निक्षेपको ब्याजदर निरन्तर घटाइरहेपनि बजारमा कर्जाको माग नबढ्दा बैंकमा पैसा थुप्रिन पुगेको हो । निक्षेप थुप्रिएर कर्जा प्रवाह खुम्चिंदा बैंकहरुको लागत बढ्न थालेको छ। ७ महिनामा वाणिज्य बैंकहरुले १ खर्ब ८५ अर्ब रुपैयाँ कर्जा प्रवाह गरेका छन्। यो रकम निक्षेप संकलनको तुलनामा झन्डै आधा हो।
गत असार मसान्तको तुलनामा माघ मसान्तमा स्टान्डर्ड चार्टर्ड, सिद्धार्थ, माछापुच्छ्रे र प्रभु बैंकको भने निक्षेप घटेको छ । प्रभुको ७ अर्ब ५ करोड, माछापुच्छ्रेको ४ अर्ब २४ करोड, सिद्धार्थको ३ अर्ब ५२ करोड र स्टान्डर्ड चार्टर्डको ३ अर्ब ३५ करोड रुपैयाँ निक्षेप खुम्चिएको हो।
यसैगरी, समिक्षा अवधीमा स्टान्डर्ड चार्टर्ड सबैभन्दा कम निक्षेप हुने बैंक हो। यो बैंकसँग माघसम्म १ खर्ब १९ अर्ब रुपैयाँ निक्षेप रहेको छ।

तपाईको प्रतिक्रिया

सम्बन्धित शीर्षकहरु

मुख्य खबर

मन्त्रिपरिषद्बाट १६ औं पञ्चवर्षीय योजना पारित, दिउँसो ३ बजे राष्ट्रपति पौडेलले आगामी वर्षको नीति तथा कार्यक्रम प्रस्तुत गर्ने

सरकारले १६औं पञ्चवर्षीय योजना पारित गरेको छ । मंगलबार सिंहदरबारमा बसेको मन्त्रिपरिषद्को बैठकले १६ औं पञ्चवर्षीय योजना पारित गरेको हो ।

काठमाडौं आइपुगे कतारका राजा, राष्ट्रपति रामचन्द्र पौडेलले गरे भव्य स्वागत

कतारका राजा अमिर शेख तमिम बिन हमाद अल थानी काठमाडौं आइपुगेका छन् । उनी आफ्नो निजी विमानमा मंगलबार दिउँसो ३ः३५ बजे काठमाडौको त्रिभुवन अन्तर्राष्ट्रिय विमानस्थलमा अवतरण गरेका हुन् ।

नागढुंगा–सिस्ने खोला मुख्य सुरुङमार्गमा ब्रेक थ्रु , प्रधानमन्त्रीले स्वीच थिचेर सुरुङ छिचोलिएको घोषणा गरे

नागढुंगा–सिस्ने खोला मुख्य सुरुङमार्ग निर्माणको काम सोमबार वारपार छिचोलिएर ब्रेक थ्रु भएको छ । यस ठाउँको मुख्य सुरुङ सँगैको आपतकालीन सुरुङ भने गत २२ साउनमै छिचोलिएको थियो ।

यूएनडीपीको निष्कर्ष: धनीका कारण गरिब देश झन पछाडि परे, मानव विकास सूचकांकमा नेपालको स्थिति मध्यम

धनी देशले मानव विकास लक्ष्य हासिल गर्दागर्दै गरिब देश झनै पछाडि परेको निष्कर्ष संयुक्त राष्ट्र संघीय विकास कार्यक्रम (यूएनडीपी) ले निकालेको छ ।

मनोरञ्जन

१० करोड रुपैयाँ लगानीको दीपक र दीपाको सिनेमा हल संचालनमा

कलाकारहरु दीपकराज गिरी, दीपाश्री निरौला र निर्मल शर्माको लगानी रहेको मल्टिलप्लेक्स हल शुक्रबारबाट संचालनमा आएको छ ।

पाण्डेको ‘सहायक श्रीमान’लाई अमेरिकामा उत्कृष्ट अन्तर्राष्ट्रिय डकुमेन्ट्री अवार्ड

नेपालका कतिपय हिमाली क्षेत्रमा विद्यमान बहुपति प्रथाका बारेमा निर्मित वृत्तचित्र ‘सहायक श्रीमान’ (को–हजबेन्ड)ले आठौं कब इन्टरनेसनल फिल्म फेस्टिवलमा उत्कृष्ट उपाधि जितेको छ ।

बल्कबष्टर नेपाली फिल्म अवार्ड सम्पन्न, सम्पादक बगालेसहित विभिन्न व्यक्तित्व सम्मानित

विगत १६ वर्षदेखि निरन्तर रूपमा आयोजना हुँदै आएको ब्लकबस्टर नेपाली फिल्म अवार्ड २०७८ भव्य रूपमा सम्पन्न भएको छ ।