सुपर मादी हाइड्रोपावरको आइपीओ खुल्दै , साढे १७ लाख कित्ता जारी गरिने
६ माघ /अर्थ र व्यापार – सुपर मादी हाइड्रोपावर लिमिटेडले प्राथमिक सेयर जारी गर्ने भएको छ । कम्पनीले आगामी सोमबारदेखि आइपीओका लागि दर्खास्त खुला गर्ने भएको छ ।
प्रति कित्ता १०० रुपैयाँ दरको १७ लाख ४३ हजार कित्ताका लागि सर्वसाधारणले आवेदन दिन पाउने छन् । जारी पुँजी २ अर्ब १० करोड रहेको कम्पनीले त्यसको कुल १५ प्रतिशत अर्थात ३१ करोड ५० लाख बराबरको ३१ लाख ५० हजार कित्ता साधारण सेयर जारी गर्ने निर्णय गरेको थियो।
जसमध्ये कम्पनीले यसअघि नै आयोजना प्रभावित क्षेत्र कास्कीका बासिन्दालाई जारी पुँजीको ५ प्रतिशत अर्थात १० लाख ५० हजार कित्ता बिक्री गरिसकेको छ ।
बाँकी रहेको २१ लाख कित्तामध्ये कम्पनीले १० प्रतिशत बराबरको २ लाख १० हजार कित्ता वैदेशिक रोजगारीमा रहेका नेपालीमा बिक्री गरिसकेको छ । यसैगरि, २ प्रतिशत अर्थात ४२ हजार कित्ता सेयर कम्पनीमा कार्यरत कर्मचारीहरुका लागि सुरक्षित राखेको छ ।
सामूहिक लगानी कोषहरुका लागि पनि त्यसको ५ प्रतिशतले हुन आउने १ लाख ५ हजार कित्ता बिक्री गरी बाँडफाँटसमेत गरिसकेको छ । अब बाँकी १७ लाख ४३ हजार कित्ता साधारण सेयर सर्वसाधरणमा निष्कासन गरिने भएको हो ।
सो सेयर खरिदका लागि सर्वसाधरणले आगामी सोमबारदेखि चार दिनभित्र आवेदन दिन सक्ने जनाइएको छ ।
सम्बन्धित शीर्षकहरु
मुख्य खबर
निगमले सिनामंगलस्थित हवाइ इन्धन डिपो गुहेश्वरीमा स्थानान्तरण गर्ने
नेपाल आयल निगमले त्रिभुवन अन्तर्राष्ट्रिय विमानस्थल परिसर सिनामंगलबाट करिब ५० वर्ष पुरानो हवाई इन्धन डिपो स्थानान्तरण गर्ने भएको छ । त्यहाँबाट सारिएको सो डिपो काठमाडौको गुहेश्वरीतर्फ निर्माण हुने छ ।
विकास र लगानीलाई रोक्नु समृद्धि र प्रगतिलाई अवरुद्ध गर्नु हो : अध्यक्ष ढकाल
नेपाल उद्योग वाणिज्य महासंघका अध्यक्ष चन्द्रप्रसाद ढकालले विकास र लगानीलाई रोकेर मुलुकको आर्थिक समृद्धि र प्रगतिलाई अवरुद्ध पार्दा हाम्रो पुस्ता मात्र नभएर भावि पुस्तालाई समेत गरिबी र अभावको दुस्चक्रमा पार्ने बताएका छन्
अब श्रम स्वीकृति लिएका नेपालीलाई भारतको बाटो हुँदै जाँदा एनओसी नचाँहिने
वैधानिक रुपमा श्रम स्वीकृति भएका नेपाली नागरिकहरूलाई भारतको विमानस्थल हुँदै श्रम गन्तव्य मुलुक जानका लागि अब नो अब्जेक्सन सर्टिफिकेट (एनओसी) नचाँहिने व्यवस्था लागु गरिएको छ ।
एनआरएनए ग्लोबल कन्केभ र वार्षिक साधरणसभा , एनआरएनएमा कुनै राजनीतिक हस्तक्षेप हुँदैन: प्रधानमन्त्री
रुपान्तरण र एकताः श्रम, लगानी र नागरिकताको निरन्तरता भन्ने मुख्य विषयमा केन्द्रित रही काठमाडौंमा एनआरएनए ग्लोबल कन्केभ तथा वार्षिक साधरणसभा शुरु भएको छ ।
मनोरञ्जन
नयाँ रियालिटी शो ‘एक्टिङ स्टार’को डिजिटल अडिसन खुल्ला
अभिनयमा रुची राख्नेहरुका लागि नयाँ रियालिटी शो ‘एक्टिङ स्टार’को घोषणा भएको छ । आगामी १ भदौ देखि एक महिनासम्मको लागि डिजिटल अडिसन खुल्ला गरिएको छ ।
१० करोड रुपैयाँ लगानीको दीपक र दीपाको सिनेमा हल संचालनमा
कलाकारहरु दीपकराज गिरी, दीपाश्री निरौला र निर्मल शर्माको लगानी रहेको मल्टिलप्लेक्स हल शुक्रबारबाट संचालनमा आएको छ ।
पाण्डेको ‘सहायक श्रीमान’लाई अमेरिकामा उत्कृष्ट अन्तर्राष्ट्रिय डकुमेन्ट्री अवार्ड
नेपालका कतिपय हिमाली क्षेत्रमा विद्यमान बहुपति प्रथाका बारेमा निर्मित वृत्तचित्र ‘सहायक श्रीमान’ (को–हजबेन्ड)ले आठौं कब इन्टरनेसनल फिल्म फेस्टिवलमा उत्कृष्ट उपाधि जितेको छ ।
तपाईको प्रतिक्रिया