logo

हिमालय एयरलाइन्सद्धारा संस्थागत सामाजिक उतरदायित्व सम्बन्धी प्रतिवेदन सार्वजनिक

कोरोना कहरका बेला निःशुल्क खोप ल्याउनेदेखि कार्गो ढुवानीमा अग्रसरता

    72   पटक पढिएको

१८ साउन/अर्थ र व्यापार – निजी वायुसेवा कम्पनी हिमालय एयरलाइन्सले आफुले गरेका संस्थागत सामाजिक उतरदायित्व(सीएसआर) सम्बन्धी प्रतिवेदन सार्वजनिक गरेको छ ।
सो एयरलाइनसले बुधबार राजधानीमा पत्रकार सम्मेलन मार्फत सन् २०२० देखि २०२१ भित्रको अवधिभर गरिएका विभिन्न संस्थागत सामाजिक उत्तरदायित्वका कामहरुको बारेमा विस्तृत जानकारीमुलक सिएसआर प्रतिवेदन सार्वजनिक गरेको हो । प्रतिवेदनमा कोरोना महामारीका वर्षहरूमा आपूmले निभाएका विभिन्न संस्थागत सामाजिक उत्तरदायित्वका कामहरुका बारेमा जानकारी गराईएको थियो ।
हिमालय एयरलायन्सकी ब्राण्ड विभागीय प्रमुख उज्ज्वला दली र एयरलाइन्सका मेन्टीनेन्स एण्ड इन्जिनेरिङ विभागीय प्रमुख राजेश प्रसाद श्रेष्ठले पत्रकार सम्मेलनमा सो कम्पनीको सिएसआर सम्बन्धी प्रतिवेदन सार्वजनिक गरेका हुन । सोही कार्यक्रमा हिमालय एयरलाइन्सको सामाजिक उत्तरदायित्व संलग्नतालाई उजागर गर्ने संक्षिप्त भिडियो पनि प्रस्तुत गरिएको थियो ।
प्रतिवेदन सार्वजनिक गर्ने क्रममा कोभिड कहरका बेला निःशुल्क खोप ल्याउनेदेखि स्वास्थ्य सामग्रीको कार्गो ढुवानीको प्रवन्ध मिलाउने कार्यमा धेरै राम्रो काम गरि सरकारलाई सहयोग सो एयरलाइन्सले जनाएको छ ।
हिमालय एयरलाइन्सले कोभिडकालका विगत दुई वर्षदेखिको सीएसआर अन्तर्गत गरेका कामको विवरणहरु सार्वजनिक गर्दै निःशुल्क खोप ल्याउनदेखि स्वास्थ्य सामग्री भित्राउने कार्यमा सरकारलाई सहयोग गरेको जनाएको छ ।
संस्थागत सामाजिक उत्तरदायित्वका उद्देश्यहरूमा आर्थिक समृद्धि, वातावरणीय दिगोपना र सामाजिक उत्तरदायित्वसँग मिल्दाजुल्दा धेरै तवरबाट राष्ट्रलाई टेवा पु¥याउने खालका कार्यहरू जारी राखेको सो कम्पनीले जनाएको छ ।
हिमालय एयरलायन्सकी ब्राण्ड विभागीय प्रमुख उज्ज्वला दलीले कोरोना संक्रमणको महामारीले विश्वजगत नै समस्यामा परेको बेलामा पनि आफ्नो सेवालाई निरन्तरता दिएको जानकारी गराइन् । उनले व्यावसायिक रूपमा नाफाघाटालाई मध्यनजर नगरी विश्वमा परेको समस्यालाई आफ्नो तर्फबाट कसरी सहयोग गर्न सकिन्छ भन्ने सोचका साथ सेवालाई निरन्तरता दिएको बताइन् ।
उनले कोभिडले व्यापार तथा अर्थतन्त्रलाई समेत उथलपुथल गरेकाले विगत दुई वर्ष अत्यन्तै चुनौतीपूर्ण बनेको बताइन् । यसैगरि, उनले हिमालयले अग्रगामी रुपमा सरकारको कोभिड–१९ कोषमा १० लाख, कोभिड–१९ अत्यावश्यक स्वास्थ्य सामग्रीका लागि कार्गो उडान सञ्चालन, विभिन्न देशबाट अलपत्र परेका यात्रुलाई फिर्ता ल्याउने कार्य, विभिन्न अस्पतालहरूलाई स्वास्थ्य सामग्री उपलब्ध गराउने लगायतका कार्यमा कम्पनीका संस्थागत सामाजिक उत्तरदायित्वका गतिविधिहरू सन् २०२१ मा थप केन्द्रित भएर काम गरेको बताइन ।
एयरलाइन्सका मेन्टिनेन्स एण्ड इन्जिनियरिङ विभागीय प्रमुख राजेशप्रसाद श्रेष्ठले कोभिडको बेला संस्थागत सामाजिक उत्तरदायित्वको भूमिका पहिलेको भन्दा अझ बढी महत्वपूर्ण भएको दाबी गरे । उनले सरकारसँग सहकार्य गर्दै दृढताकासाथ र संकटको बेलामा भेरोसेल खोपको २ लाख डोज ल्याउन २ करोड २५ लाख रुपैयाँ बराबरको चारवटा निःशुल्क कार्गो उडानहरू सञ्चालन गरेको समेत जानकारी गराए ।
एयरलाइन्सले विगत ५ वर्षदेखि आफ्नो संस्थागत सामाजिक उत्तरदायित्व ब्यानरअन्तर्गत एक गैरसरकारी संस्था ‘प्रयास नेपाल’लाई पनि साथ दिँदै आएको जनाएको छ । बाल–बालिकाहरूको सपना साकार पार्न आफ्नो ‘ शिक्षातर्फका पाइलाहरु’ कार्यक्रम अन्तर्गत विपन्न बाल–बालिकाका लागि वार्षिक रूपमा महत्वपूर्ण योगदान पु¥याउँदै आएको जनाएको छ ।
संस्थागत सामाजिक उत्तरदायित्व प्रतिवेदनले हिमालय एयरलाइन्सको कार्यसम्पादन र कम्पनीको सामाजिक उत्तरदायित्वलाई उजागर गर्दै यसका पाँच प्रमुख क्षेत्रहरू आर्थिक समृद्धि, वातावरणीय दिगोपन, सामाजिक उत्तरदायित्व, सञ्चालनका पक्षहरू र गुणस्तर व्यवस्थापन प्रणालीमा योगदान रहेको सो कम्पनीले जनाएको छ ।
सो एयरलाइन्सले हाल ४ वटा विमानमार्फत मध्यपूर्व र दक्षिण एसियाका प्रमुख गन्तब्य देशहरू यूएई, मलेसिया, कतार, साउदी अरेबिया, कुवेत र बंगलादेश लगायतका रुटमा व्यवसायीक उडानहरू संचालन गरिरहेको जनाएको छ ।
यसैगरि, आवस्यक परेको बेला चाटर्ड तथा कार्गो उडानहरू गरिएको सो एयरलाइनसले जनाएको छ । सो अवधीमा विशेष गरि यस्ता उडानहरु चीनबाट र चीनसम्म संचालन गरिएको एयरलाइनले जानकारी दिएको छ ।

तपाईको प्रतिक्रिया

सम्बन्धित शीर्षकहरु

मुख्य खबर

शर्मा फेरि अर्थमन्त्रालय फर्किए, प्रमुख प्रतिपक्षि दल एमालेको असन्तुष्टी कायमै

अर्थमन्त्री जर्नादन शर्मा पुनः अर्थमन्त्रालय फर्किएका छन ।

जनार्दन शर्मा फेरि अर्थमन्त्रीमा नियुक्त हुँदै

अर्थमन्त्रीमा पुनः जनार्दन शर्मा नियुक्त हुने भएका छन् ।

संसदीय छानबिन समितिमा निवर्तमान अर्थमन्त्री शर्माले दिए तीनघण्टाको बयान

संसदीय विशेष छानबिन समितिले निवर्तमा अर्थमन्त्री जनार्दन शर्मासँग बिहीबार बिहान करिब तिन घण्टा बयान लिएको छ ।

आर्थिक वर्षको अन्त्यमा एकैदिन सरकारले ग¥यो २४ अर्ब २१ करोड रुपैयाँ खर्च

शनिबारदेखि समाप्त भएको आर्थिक वर्ष २०७८/७९को अन्त्यमा आएर एकैदिन सरकारले २४ अर्ब २१ करोड ४१ लाख रुपैयाँ खर्च गरेको छ ।

मनोरञ्जन

बल्कबष्टर नेपाली फिल्म अवार्ड सम्पन्न, सम्पादक बगालेसहित विभिन्न व्यक्तित्व सम्मानित

विगत १६ वर्षदेखि निरन्तर रूपमा आयोजना हुँदै आएको ब्लकबस्टर नेपाली फिल्म अवार्ड २०७८ भव्य रूपमा सम्पन्न भएको छ ।

कक्षा १२ उत्तिर्ण गरिन करिश्मा मानन्धरले

नायिका करिश्मा मानन्धरले कक्षा १२ पास गरेकी छन् । शुक्रबार प्रकाशित नतिजा अनुसार उनले ‘बी प्लस’ ग्रेडसहित १२ कक्षा उत्तिर्ण गरेकी हुन् । यस्तो रिजल्ट आएपछि नायिका मानन्धरले आफुले सोचेअनुसारकै नतिजा आएको बताएकी छिन् । उनका अनुसार दुईवटा विषयमा ए प्लस आएको छ भने समग्रमा बी प्लस आएर १२ कक्षा पास भएको छ ।

प्रथम रेडियो सान्भी म्युजिक अवार्ड २०७८ आयोजना हुने 

विरगंज ९– पिसि मिडिया प्रालिद्वारा सञ्चालित तथा वीरगंजबाट प्रसारित रेडियो सान्भीले आगामी २२ कात्तिकमा ‘प्रथम रेडियो सान्भी म्युजिक अवार्ड २०७८’ आयोजना गर्ने भएको छ । नेपाल पत्रकार महासंघको सभाकक्षमा पत्रकार सम्मेलन आयोजना गर्दै रेडियो सान्भीले आगामी २२ कात्तिकमा प्रथम रेडियो सान्भी म्युजिक अवार्ड २०७८ आयोजना गर्ने जनाएको हो ।