२४ भदौ / अर्थ र व्यापार- काठमाडौंको खुसिबुस्थित लालिगुराँस बचत तथा ऋण सहकारी संस्था, कालिमाटीस्थित स्वर्णलक्ष्मी बहुउद्देश्यीय र ललितपुर जावलाखेलस्थित कल्याण उपकार बचत तथा ऋण सहकारी संस्था बीच एकीकरणका लागि सम्झौता भएको छ । सम्झौता अनुसार एकीकृत संस्थाको नाम लक्ष्मी कल्याण गुराँस सेभिङ एण्ड क्रेडिट रहने छ भने अध्यक्षमा जिबी राई तथा प्रमुख कार्यकारी अधिकृत विश्वराज अधिकारी रहनेछन् ।

राष्ट्रिय सहकारी महासंघ, राष्ट्रिय सहकारी बैंक, नेपाल बचत तथा ऋण केन्द्रीय सहकारी संघ (नेफ्स्कून), जिल्ला सहकारी संघ लगायतका प्रतिनिधिहरुको उपस्थितीमा भएको कार्यक्रममा एकीकरण सम्झौता भएको छ ।

एकीकरणपछि संस्थाको सदस्य संख्या ११ हजार ४५९, शेयर पुँजी ३१ करोड ७ लाख ७२ हजार, जगेडा कोष १३ करोड, १७ लाख ९६ हजार, अन्य कोष ३ करोड ८२ लाख ८१ हजार र संस्थागत पुँजी २५ करोड ४९ लाख पुग्नेछ । यसैगरी बचत ८ अर्ब ३३ करोड ७५ लाख, ऋण लगानी ७ अर्ब २७ करोड ९४ लाख पुग्ने प्रस्तावित अध्यक्ष जिवी राईले वताए ।