१५ जेठ / अर्थ र व्यापार- अर्थमन्त्री जनार्दन शर्माले आर्थिक वर्ष २०७९/८० को वजेट सार्वजनिक गर्दै सरकारले मुलुकको कृषि क्षेत्र उत्थानका लागि कृषि कर्जा वापत पाँच खर्ब रुपैयाँ छुट्याएको जनाएका छन । मुलुकभर उपयोगबिहीन जग्गा उपयोग का लागि सरकाले कृषि सहकारीलाई लिजमा दिने योजना बनाएको छ ।

यस अन्तर्गत सरकारले प्रधानमन्त्री रोजगार कार्यक्रम अन्तर्गत तीन सय कृषि स्वयंसेवक तयारी गरिने जनाइएको छ । कृषि तथा पशुविज्ञान तर्फ कृषि विज्ञ, सेवा निवृत्त कर्मचारीलाई परिचालन गर्ने योजना बनाएको छ ।

त्यस्तै किसानलाई कृषि कर्जा वापत पाँच खर्बको लघुवित्त कोष खडा गर्न योजना बनाएको छ । यसमा नागरिक लगानी कोष, सञ्चय कोष र सामाजिक सुरक्षा कोषसँग सहकार्य गरिने जनाइएको छ । सरकारले किसानका लागि पेन्सन कोष स्थापनाका लागि एक अर्ब रुपैयाँ छुट्याएको छ । यसमा किसानको मासिक आम्दानीको १० प्रतिशत जम्मा गरिने अर्थमन्त्ती शर्माले वताए ।