१५ फाल्गुण / अर्थ र व्यापार- संस्कृति, पर्यटन तथा नागरिक उड्ड्न मन्त्री रवीन्द्र अधिकारी चढेको एयर डाइनेस्टीको हेलिकप्टर दुर्घटनामा पाँच जनाको शव फेला परेको छ । आज विहान करिब ११ः३० बजे मन्त्री अधिकारीसहित ६ जना चढेको हेलिकप्टर पाथिभरा जाँदै गर्दा दुर्घटना परेको थियो । 

घटनास्थलमा प्रहरी पुगिसकेको र पाँच जनाको शव फेला परेको नेपाल प्रहरीका प्रवक्ता एसएसपी उत्तमराज सुवेदीले वताए । पाँच जनाको शव फेला परेको जानकारी आएपनि को–को हुन् भन्ने नखुलेकोको उनले वताए ।

एयर डाइनेस्टीको नाइन एन एएमआइ कल साइनको हेलिकप्टर दुर्घटना भएको थियो । मन्त्री रवीन्द्र अधिकारीसँगै यति एयरलाइन्सका सञ्चालक आङछिरिङ शेर्पा पनि हेलिकप्टरमा थिए । त्यस्तै हेलिकप्टरमा प्रधानमन्त्री कार्यालयमा कार्यरत युवराज दाहाल,नागरिक उड्ययन प्राधिकरणका निर्देशक वीरेन्द्रप्रसाद श्रेष्ठ, प्राधिकरणकै एरोड्रम इन्जिनियरिङ विभागका प्रमुख ध्रुवदाश बजिमय, अर्जुन घिमिरे पनि रहेको वताईएको छ ।