१७ जेष्ठ / अर्थ र व्यापार- संस्कृति,पर्यटन तथा नागरिक उड्ड्यन मन्त्री रविन्द्र अधिकारीले नेपालका केहि गलत व्यवसायिका कारण विश्वभर गलत सन्देश गएको वताएका छन । “हिमालमा पर्यटकलाई बिरामी पारेर हेलिकोप्टर र हस्पिटलको पनि व्यापार गर्ने केहि व्यवसायिहरुका कारण विश्वभर नेपालको बारेमा गलत सन्देश गईरहेको छ,कसैसंग कसैको सम्बन्ध छ भनेर कसैलाई छोडिँदैन”–गलत काम गर्ने व्यवसायि जेल जानुपर्छ,मन्त्री अधिकारीले भने । 

यसअघि नेपालमा फस्टाएका गलैंचा र कार्पेट उद्योगको विश्वभर बालश्रमका कारण नकारात्मक प्रचार भएको कारण ध्वस्त भएको उदाहरण दिँदै मन्त्री अधिकारीले स्वच्छ व्यवसाय गर्न व्यवसायीहरुलाई आग्रह गरे । काठमाडौंको पर्यटकीय केन्द्र ठमेलमा नेपाली घर होटलको उद्घाटन गर्दै मन्त्री अधिकारीले सो कुरा बताएका हुन । 

काठमाण्डौको पर्यटकिय क्षेत्र ठमेलमा अवस्थित यस होटलमा नेपालीकला र संस्कृतीको पहिचान सहित अघि बढाउने उद्देश्य रहेको होटलका प्रबन्ध निर्देशक राजु श्रेष्ठले बताए । यस होटलको बाहिरी बनावट परम्परागत नेपाली शैलीमा र भित्री बनावट प्यागोडा शैलीमा तयार गरिएको छ । स्थानीय शिल्पीहरुले विशुद्ध नेपाली शैलीमा आकर्षक सजावट गरिएको छ । होटलका आवश्यक सरसमानमा नेपाली बजार प्रबद्र्धन गर्ने उदेश्यले ग्रामीण भेगका महिलाहरुले तयार गरेका उत्पादनलाई प्राथमिकताका साथ प्रयोगमा ल्याएको उनले बताए ।

होटलमा आरामदायी कोठा, द्रुतगतिमा चल्ने वाइफाई सुबिधा, फिटनेस सेन्टर, मिटिङ हल र रेस्टुरेन्ट छ । होटलमा ३४ वटा रुम र दुईवटा सुइट रुम छन् । उनका अनुसार हेरिटेज डिलक्स रुम २३, हेरिटेज डिलक्स कर्नर ६, हेरिटेज ग्रान्ड डिलक्स ३ र मानगृह र कैलाशकुट सुइट १–१ वटा रहेका छन् । यी सबै कोठा परम्परागत नेपाली कलाले बिशेष रुपमा सजिएका छन् ।