२३ पुष/ अर्थ र व्यापार- एशिया बाहिरकै सबैभन्दा अग्लो अकोङकवा हिमाल (६,९६२ मिटर) को चुचुरोमा नेपाल भ्रमण वर्ष २०२० को लोगो पु¥याएर नेपालको पर्यटन प्रवद्र्धन गरिएको छ । पर्यटन व्यवसायी तथा आरोही टासी लाक्पा शेर्पाको नेतृत्वमा ५० भन्दा बढी विदेशी र नेपाली आरोहीको टोलीले भ्रमण वर्षको प्रचार गरेको हो ।

दक्षिण अमेरिकामा रहेको अकोङकवा चुचुरो आरोहणमा अर्जेन्टिना, चीन, जापान, रसिया, जर्मन, नर्थ अमेरिका, स्पेन, फ्रान्सका गरी ५० जना बढी आरोही रहेको  आरोही गाइड कर्मा तेन्जिङले बताए । नेपाली र विदेशी आरोहीले एकै पटक चुचुरोबाट नेपाल भ्रमणका लागि सबैलाई आव्हान समेत गरेका थिए । 

साउथ अमेरिका र अर्जेन्टिनामा रहेको उक्त हिमालमा टोलीले गत पुस १९ गते चुचुरोबाट नेपाल भ्रमणको निम्तो गरेको सेभेन समिट ट्रेकका प्रवन्ध निर्देशक तथा आरोही लिडर टासी लाक्पा शेर्पाले बताए । यो टोलीले नेपाल भ्रमण वर्ष २०२० को लोगो चुचुरोमा फहराएका थिए ।

सात महादेशका अग्ला शिखरमध्ये अकोङकवा हिमाल मुख्य हो । सेभेन समिट पूरा गर्न यो हिमाल आरोहण गर्नुपर्ने हुन्छ । आरोही गाइड तथा पर्यटन व्यवसायी टासीको नेतृत्वमा सात महादेशका सातै वटा अग्लो शिखर आरोहण गरेर थप नेपालको पर्यटन प्रवद्र्धनमा सहयोग पु¥याउने लक्ष्य राखिएको छ ।