४ बैशाख / अर्थ र व्यापार- ट्रेकिङ एजेन्सिज एशोसियसन अफ नेपाल (टान) का अध्यक्ष खुम बहादुर सुवेदीले कोरोना भाइरसले सबैभन्दा बढी असर पर्यटन क्षेत्रमा पु¥याएको हुँदा सन् २०२० मा पर्यटनसंग सम्बन्धित व्यवसायहरु सहज रुपमा सञ्चालन हुन कठीन हुने हुँदा बैंक व्याजलाई न्यूनिकरण गरि व्याज २ प्रतिशतमा हुने गरि पुर्नकर्जाको व्यवस्था मिलाउन सरकार संग अनुरोध गरेका छन । साथै उक्त ऋण २ वर्ष भित्र तिर्नुपर्ने व्यवस्था मिलाइदिन समेत सुवेदीले आग्रह गरे ।

अर्थ र व्यापार संग कुरा गर्दै टान अध्यक्ष सुवेदीले सरकारले कृषि क्षेत्रमा ५ प्रतिशत व्याजमा ऋण लगानी सहुलियको व्यवस्था गरेको जस्तै पर्यटन क्षेत्रमा पनि सहुलियतको व्यवस्था गरिदिन अनुरोध गरे । त्यसैगरि अहिलेको समयलाई सदुपयोग गरी पदयात्रा तथा पर्वतारोहणका मजदुर तथा सहयोगीहरुलाई रोजगारी सिर्जना गर्न ट्रेकिङ ट्रेल मर्मत तथा  विभिन्न हिमालहरुको सरफाई गर्न सकिने वताए ।

टानका अध्यक्ष सुवेदीले नेपाल पर्यटन बोर्डमा रहेको टिम्स अन्र्तगतको संयुक्त कोष र मजदुर कल्याणकारी कोषको प्रभावकारी व्यवस्थापन गर्नुपर्ने बताए । पर्यटन बोर्डको नेतृत्वमा पर्यटन क्षेत्रका सम्पूर्ण मजदुरहरुका हितको लागि राहत कोषको पनि व्यवस्था मिलाइ दिनउनले अनुरोध गरेका छन ।

त्यसवाहेक वर्तमान असहज परिस्थितिलाई मध्यनजर गर्दै ट्रेकिङ व्यवसायीहरुलाई विना धितो पनि कर्जा प्रवाह गरिनुपर्ने आवश्यकता रहेको सुवेदीले वताए ।