८ कात्र्तिक / अर्थ र व्यापार- ट्रेकिङ एजेन्सिज एशोशियसन अफ नेपाल (टान) को आगामी कात्र्तिक १२ गते हुने निर्वाचनमा द्धिपक्षिय प्रतिस्पर्धा हुने निश्चत जस्तै देखिएको छ । भोलि विहिवार उम्मेदवारको दरखास्त दर्ता गर्ने दिन भएकोले आज बेलुका सम्म उम्मेदवारको समुह निर्माण हुने देखिएको छ ।
यसपटकको टान निर्वाचनमा अध्यक्षको आकांक्षी देखिएका हरु मध्ये केहि प्रतिस्पर्धावाट बाहिरिईसकेका छन भने बाँकी केहि आकांक्षीहरु अगाडी आएका छन । माओवादी केन्द्र निकट व्यवसायिहरु वाट टानका पूर्व महासचिव नवराज दाहाल अध्यक्षको दौडमा अगाडी आएका छन । उनलाई नेकपा एमाले निकट (ओलि) समुहका व्यवसायिहरुको समर्थन रहने देखिएको छ । एमाले निकट व्यवसायिहरु (नेपाल समुह र असन्तुष्ट) हरुले अध्यक्षमा अञ्जन थापा ( कुमार) लाई नै अध्यक्षमा अगाडी सारिरहेको छ । यद्यपी एमाले निकट पर्यटन व्यवसायिहरुको संस्था राष्ट्रिय पर्यटन व्यवसायि संगठनले टान अध्यक्षमा थापालाई उठाउने सर्वसम्मत निर्णय गरेको थियो ।
पछि संगठनका अध्यक्ष चन्द्र रिजाल लगायतको समुह अध्यक्षमा नवराज दाहाललाई समर्थन गर्ने निर्णयमा पुगेपछी एमालेको अर्को समुह (नेपाल समुह र असन्तुष्ट) नेपाली कांग्रेस निकट व्यवसायिहरुको संस्था निट,नयाँ शक्ति निकट व्यवसायिहरु र शेर्पा समुहको समर्थनमा थापालाई अध्यक्षमा उठाउने तयारीका लाग एमाले निकट व्यवसायिहरुको भेला गर्दैछ । त्यसबाहेक थापालाई टान निर्वाचनमा प्रभाव पार्ने थामसेर्कु तथा विग हाउसहरुको समर्थन रहेको वताईन्छ ।
यसो हुन नसके नेपाली कांग्रेस निकट व्यवसायिहरुको संस्था निट वाट अध्यक्ष उठाउने सम्भावना छ । यो समुहमा निट नेपाल,नेपाल लोकतान्त्रिक पर्यटन व्यवसायि संघ,नेकपा एमाले (नेपाल समुह र असन्तुष्ट) समुह र नयाँ शक्ति निकट व्यवसायिहरुको समर्थन रहने देखिएको छ । यो समुहको नेतृत्व टानका पूर्व महासचिव मोहन लम्साल वा टानका पूर्व उपाध्यक्ष केशव पाण्डेले गर्नेछन । यद्यपी निट भित्र सुरुदेखि नै सहमतिमा भए केशव पाण्डे र चुनाव लड्ने अवस्थामा मोहन लम्साल सशक्त हुन भन्ने चर्चा चलेको छ । निट वाटै अध्यक्षमा दावी गरेका टानका पूर्व कोषाध्यक्ष खुमबहादुर सुवेदीले पनि लम्साललाई समर्थन गरेको बुझिएको छ । त्यसैले अन्ततः यसपटक अध्यक्षमा नवराज दाहाल र अञ्जन थापा वा मोहन लम्साल विच प्रतिस्पर्धा हुने निश्चित प्राय भएको छ । उम्मेदवारहरुको सम्पूर्ण प्यानल भने बुधवार बेलुका सम्म निर्माण हुने देखिन्छ ।
यसअघि टानका पूर्व अध्यक्ष ज्योति अधिकारी,पूर्व महासचिव राजेन्द्र बजगाईं लागायतले सहमतिमा सर्वसम्मत नेतृत्व ल्याउन गरेको प्रयास सफल हुन सकेन ।
तपाईको प्रतिक्रिया