१५ भाद्र / अर्थ र व्यापार- कोरोना संक्रमणका कारण नेपाल सरकारले नियमित अन्तर्राष्ट्रिय हवाई उडानमा रोक लगाएपश्चात भएका विभिन्न चार्टर उडानहरु विवादमा पर्दै आएका छन । पछिल्लो समय लकलाउनसंगै चाटर्ड  र रिप्याट्रिएसन उडान गरि दैनिक ७ देखि १० वटा हवाई उडान संचालन भई रहेकोमा उक्त उडानहरुले समग्र पर्यटन क्षेत्रलाई नसमेटेको तथा राज्यको आर्थिक गतिविधिमा खासै योगदान नपु¥याएको भन्दै यसअघि विभिन्न पर्यटकिय संघ–संस्थाहरुले नियमित हवाई सेवा सुचारु गर्न माग गरेका थिए ।

अर्थ र व्यापार संग कुरा गर्दै नेपाल एशोसिएसन अफ टुर एण्ड ट्राभल एजेण्टस् (नाट्टा) का पूर्व अध्यक्ष सि.एन पाण्डेले पर्यटन व्यवसायमा रहेका करिव आधा दर्जन ट्राभल एजेन्सी, विदेशी एयरलाइन्स र ती एयरलाईन्सका नेपाल प्रमुखहरुको गलत सोच,बढि भाडा लिने नियत देखिएको र केहि कम्पनी संग मिलेर कार्टेलिङ गर्ने गरेको पाईएको वताए ।

यहि अवस्था रहिरहे यसरी यात्रुहरु ठग्ने ती एयरलाइन्स र व्यवसायीहरुका कार्यालयमा ताला लगाउनुको बिकल्प नभएको समेत पूर्वअध्यक्ष पाण्डेले वताए । यस विषयमा आँफुहरुले पर्यटन मन्त्रालय लगायतका सरकारी निकायहरुमा जानकारी गराईसकेको समेत पाण्डेले वताए ।