नेपाल स्टक एक्सचेञ्जमा प्रभु बैंकको शेयर मूल्य समायोजन
६ फागुन /अर्थ र व्यापार - प्रभु बैंकको फागुन ६ गते सोमबार नेपाल स्टक एक्सचेञ्जमा शेयर मूल्य समायोजन भएको छ । बैंकले गत आर्थिक वर्षको मुनाफाबाट वितरण गर्न लागेको चुक्ता पूँजीको ८ प्रतिशत बोनस शेयरपश्चात शेयरमूल्य समायोजन भएको हो ।
नेप्सेले बैंकको बोनस पश्चात समायोजित शेयरमूल्य प्रतिकित्ता २१० रुपैयाँ १९ पैसा निर्धारण गरेको छ । नेप्सेमा १८० दिन कारोबार भएको मूल्यको आधारमा बैंकको औसत आधारमूल्य २७२ रुपैयाँ ५९ पैसा कायम भएको छ । समायोजित शेयरमूल्यका आधारमा बैंकको शेयर कारोबार सुचारु भएको छ ।
बैंकले फागुन १९ गते आह्वान गरेको १७ औ वार्षिक साधारण सभाका लागि सोमबार शेयरधनी दर्ता किताब बन्द गरेको हो। यसअनुसार फागुन ५ गते आइतबारसम्म कायम शेयरधनीले मात्र उक्त बोनस पाउनेछन्। साधारण सभा बैंकको केन्द्रीय कार्यालय बबरमहलमा दिउँसो १ बजे सुरु हुनेछ । सभाबाट बैंकले चुक्ता पूँजीको ८ प्रतिशत (६५ करोड ८७ लाख १५ हजार ८८२ रुपैयाँ) बोनस शेयर अनुमोदन गर्दैछ । यस्तै बोनस शेयरमा लाग्ने कर प्रयोजनको लागि नगद लाभांश पनि पारित गर्दैछ ।
यस्तै साधारण सभाले संस्थापक र साधारण शेयरधनीको शेयर संरचना परिवर्तन पनि परिवर्तन गर्न भएको छ । बैंकले संस्थापकको ५५ प्रतिशत तथा साधारण शेयरधनीको हिसा ४५ कायम गर्ने प्रस्ताव पारित गर्ने भएको हो । हाल बैंकमा संस्थापकको ६१.३१ प्रतिशत र सर्वसाधारण ३८.६९ प्रतिशत शेयर स्वामित्व रहेको छ । हाल ८ अर्ब २३ करोड ३९ लाख ५९ हजार रुपैयाँ चुक्ता पूँजी भएको बैंकको बोनस शेयर पश्चात ८ अर्ब ८९ करोड २६ लाख ७४ हजार रुपैयाँ पुग्नेछ । चालु आर्थिक वर्षको दोस्रो त्रैमासमा बैंकले एक अर्ब ४ करोड १८ लाख रुपैयाँ खुद नाफा कमाएको छ । बैंकको प्रतिशेयर आम्दानी २५ रुपैयाँ ३१ पैसा छ ।
सम्बन्धित शीर्षकहरु
मुख्य खबर
निगमले सिनामंगलस्थित हवाइ इन्धन डिपो गुहेश्वरीमा स्थानान्तरण गर्ने
नेपाल आयल निगमले त्रिभुवन अन्तर्राष्ट्रिय विमानस्थल परिसर सिनामंगलबाट करिब ५० वर्ष पुरानो हवाई इन्धन डिपो स्थानान्तरण गर्ने भएको छ । त्यहाँबाट सारिएको सो डिपो काठमाडौको गुहेश्वरीतर्फ निर्माण हुने छ ।
विकास र लगानीलाई रोक्नु समृद्धि र प्रगतिलाई अवरुद्ध गर्नु हो : अध्यक्ष ढकाल
नेपाल उद्योग वाणिज्य महासंघका अध्यक्ष चन्द्रप्रसाद ढकालले विकास र लगानीलाई रोकेर मुलुकको आर्थिक समृद्धि र प्रगतिलाई अवरुद्ध पार्दा हाम्रो पुस्ता मात्र नभएर भावि पुस्तालाई समेत गरिबी र अभावको दुस्चक्रमा पार्ने बताएका छन्
अब श्रम स्वीकृति लिएका नेपालीलाई भारतको बाटो हुँदै जाँदा एनओसी नचाँहिने
वैधानिक रुपमा श्रम स्वीकृति भएका नेपाली नागरिकहरूलाई भारतको विमानस्थल हुँदै श्रम गन्तव्य मुलुक जानका लागि अब नो अब्जेक्सन सर्टिफिकेट (एनओसी) नचाँहिने व्यवस्था लागु गरिएको छ ।
एनआरएनए ग्लोबल कन्केभ र वार्षिक साधरणसभा , एनआरएनएमा कुनै राजनीतिक हस्तक्षेप हुँदैन: प्रधानमन्त्री
रुपान्तरण र एकताः श्रम, लगानी र नागरिकताको निरन्तरता भन्ने मुख्य विषयमा केन्द्रित रही काठमाडौंमा एनआरएनए ग्लोबल कन्केभ तथा वार्षिक साधरणसभा शुरु भएको छ ।
मनोरञ्जन
नयाँ रियालिटी शो ‘एक्टिङ स्टार’को डिजिटल अडिसन खुल्ला
अभिनयमा रुची राख्नेहरुका लागि नयाँ रियालिटी शो ‘एक्टिङ स्टार’को घोषणा भएको छ । आगामी १ भदौ देखि एक महिनासम्मको लागि डिजिटल अडिसन खुल्ला गरिएको छ ।
१० करोड रुपैयाँ लगानीको दीपक र दीपाको सिनेमा हल संचालनमा
कलाकारहरु दीपकराज गिरी, दीपाश्री निरौला र निर्मल शर्माको लगानी रहेको मल्टिलप्लेक्स हल शुक्रबारबाट संचालनमा आएको छ ।
पाण्डेको ‘सहायक श्रीमान’लाई अमेरिकामा उत्कृष्ट अन्तर्राष्ट्रिय डकुमेन्ट्री अवार्ड
नेपालका कतिपय हिमाली क्षेत्रमा विद्यमान बहुपति प्रथाका बारेमा निर्मित वृत्तचित्र ‘सहायक श्रीमान’ (को–हजबेन्ड)ले आठौं कब इन्टरनेसनल फिल्म फेस्टिवलमा उत्कृष्ट उपाधि जितेको छ ।
तपाईको प्रतिक्रिया