२९ फागुन /अर्थ र व्यापार - नेपाल स्टक एक्सचेन्ज (नेप्से)ले धितोपत्र कारोबारमा फरक पार्ने सूचना तत्काल नदिएको भन्दै रिलायन्स फाइनान्सको कारोबार दोस्रो बजारमा रोक्का गरेको छ ।नेप्सेले दोस्रो बजारमा  बुधबार देखि सम्पूर्ण शेयर कारोबार रोक्का गरिएको हो ।

गत फागुन २६ गते आइतबार बसेको सञ्चालक समिति बैठकले बोनस र नगद लाभांश दिने प्रस्ताव गरेको थियो । सञ्चालक समिति बैठकले गरेको उक्त निर्णयको जनकारी कम्पनीले बुधवार मात्रै नेप्सेलाई गराएको थियो । दोस्रो बजारमा प्रभाव पार्ने कुनैपनि सूचना निर्णय हुने बित्तिकै नेप्सेलाई दिनु पर्छ । सोही प्रावधान अनुरूप नेप्सेले फाइनान्सको कारोबार रोक्का गरेको हो ।

नेप्सेले २४ घण्टाभित्र सूचना ढिलो पठाउनुको कारण सहित स्पष्टीकरण पेस गर्न समेत भनेको छ । समयमा स्पष्टीकरण नदिए सूचीकरण बिनियमावली,२०७५ को विनियम १६(१) ख अनुसार कारबाही हुने समेत चेतावनी दिएको छ ।