२९ फागुन / अर्थ र व्यापार- नेपाल एशोशियसन अफ टुर एण्ड ट्राभल एजेन्ट्स (नाट्टा) ले हिजो फागुन २८ गते भएको यूएस बांगाला जहाजको दुर्घटना हुँदा ४९ जनाको ज्यान गएको घटनाले स्तब्ध र मर्माहत भएको जनाएको छ । नाट्टाका अध्यक्ष सि.एन.पाण्डेद्वारा जारी विज्ञप्तिमा पर्यटन व्यवसायिहरु, बंगलादेशमा पढेर फर्किएका नेपाली विद्यार्थीहरु, स्वदेशी र विदेशी गरि ४९ जनाको दुःखद् निधन भएको र अन्य घाईतेहरु काठमाडौंका विभिन्न अस्पतालमा उपचाररत रहेकोमा दुःख व्यक्त गरिएको छ ।

हिजो भएको विमान दुर्घटनामा ढाकामा सम्पन्न यूएस बांगाला एयरलाईन्सको विशेष कार्यक्रममा सहभागी भएर फर्किएका पर्यटन व्यवसायि र ट्राभल एजेन्सिमा कार्यरत कर्मचारीहरु पनि परेको कारण नाट्टा थप मर्माहत भएको जनाईएको छ । नाट्टाले दुर्घटनामा परेर निधन भएका पर्यटन व्यवसायि लगायत सवैको आत्माको चिरशान्तिको कामना गर्दै शोकसन्तप्त परिवारजनमा समबेदना प्रकट गरेको छ । 

नाट्टाले उपचाररत पर्यटन व्यवसायि लगायत सवै घाईते यात्रुहरुको शिघ्र स्वास्थ्य लाभको कामना गर्दै भविष्यमा यस्ता दुर्घटना दोहोरिन नदिन आवश्यक व्यवस्था गर्न र क्षति न्युनिकरणका उपायहरु अपनाउन नेपाल सरकार संग जोडदार माग गरेको विज्ञप्तिमा उल्लेख छ ।