३ पुस/अर्थ र व्यापार- नेपाल एशोशियसन अफ टुर एण्ड ट्राभल एजेन्ट्स (नाट्टा) ले आफ्नो स्वर्ण जयन्ती वर्षै भरी विभिन्न कार्यक्रमहरु गरी सम्पन्न भएको जनाएको छ । नाट्टाको स्वर्ण जयन्ती समारोहको समापन कार्यक्रम उपराष्ट्रपति नन्द बहादुर पुनको प्रमुख आतिथ्यतामा सम्पन्न भएको थियो ।

नाट्टा स्वर्ण जयन्ती समारोहका संयोजक सि.एन.पाण्डेले स्वर्ण महोत्सवको मुख्य उद्देश्य सरकारले पर्यटनलाई भाषणमा  उद्योगको रुपमा मान्यता दिएपनि व्यवहारमा लागु नभएकोले त्यसलाई व्यवहारमा लागु गराउने रहेको र त्यस दिशामा वर्षै भरी उल्लेख्य काम भएको वताए । पाण्डेले नाट्टाको स्वर्ण जयन्तीको अवसरमा भएका विभिन्न कार्यक्रम र विदेशी टुर अपरेटर्स हरु संग भएको छलफलको सकारात्मक असरका कारण सन २०१७ मा नेपाल आउने पर्यटकहरुको संख्या वृद्धि भएको वताए ।

नाट्टाको स्वर्ण जयन्ती सम्पन्न भईसकेछि जानकारी दिन आयोजित पत्रकार सम्मेलनमा नाट्टाका अध्यक्ष मधुसुदन आचार्यले नेपालले सन २०३० सम्म ५० लाख पर्यटन नेपाल भित्र्याउने उद्देश्य राख्नुपर्ने र त्यसका लागी नेपाल सरकारले पर्यटकिय गन्तव्यमा लगानी गर्नुपर्ने वताए । आचार्यले नेपाल एयरलाईन्सले निकट भविष्यमा नै न्युनतम दश वटा जहाज मार्फत उडान गर्नु आवश्यक रहेको वताए ।  

कार्यक्रममा नाट्टाका महासचिव भिम प्रसाद पन्तले नाट्टा स्वर्ण जयन्तीको अवसरमा वर्षभरी गरिएका कार्यक्रमहरु वारे जानकार दिएका थिए । कार्यक्रममा नेपाल पर्यटन वोर्डका सञ्चालक समिति सदस्य कृष्ण अर्यालले विभिन्न पर्यटकिय गन्तव्यहरुमा स्थानिय निकायहरुले उठाउँदै आएको पर्यटन शुल्कको वारेमा छिट्टै निकास निकालिने वताए ।