२३ पुष / अर्थ र व्यापार- ट्राभल एण्ड टुर व्यवसायिहरुको संस्था नेपाल एसोसिएसन अफ टुर एण्ड ट्राभल एजेन्टस् (नाट्टा) को आगामी पुष २८ गते हुने निर्वाचनका लागी दुई प्यानलले मनोनयन दर्ता गराएका छन । 

आईतवार नाट्टाका प्रथम वर्तमान प्रथम उपाध्यक्ष सि.एन.पाण्डे र नाट्टाकै द्वितीय उपाध्यक्ष डि.के शर्माले आ–आफ्नो प्यानल सहत मनोनयन दर्ता गराएका हुन । पाण्डे सम्राट टुर्स एण्ड ट्राभल्स प्रा.लि.का प्रबन्ध निर्देशक हुन भने शर्मा डि.के. टुर्स प्रा.लि.का प्रबन्ध निर्देशक हुन ।

सिएन पाण्डे प्यानलबाट उपाध्यक्षमा अच्यूत गुरागाई द्वितीय उपाध्यक्षमा सुनिल शर्मा, महासचिव रमेश थापा, सचिवमा हरि भक्त श्रेष्ठ, कोषाध्यक्षमा राजकुमार थापा, सह–कोषाध्यक्षमा सुरेन्द्र भटराई तथा सदस्यहरुमा इनु थापा, कुमार थपलिया, राजु ढकाल, फुरी शेर्पा, सुर्दशन नेपाल, रमेश पौड्याल, देवकी गुरुङ र रोमी श्रेष्ठको उम्मेद्वारी परेको छ ।

त्यस्तै डि.के शर्मा प्यानलबाट प्रथम उपाध्यक्षमा चित्र बहादुर गुरुङ, द्वितीय उपाध्यक्षमा संगीता जिरेल, महासचिवमा विनय बस्नेत, सचिवमा सविता के.सि. भट्टराई, कोषाध्यक्षमा राम श्रेष्ठ र सह–कोषाध्यक्षमा युवराज सुवेदी तथा सदस्यहरुमा अमृत कुमार ढकाल, रवि थापा, रघु परियार, सन्तोष क्षेत्री, डि.पि अर्याल , बेन्जु श्रेष्ठ, गीता ढकाल र विनोद कार्कीको उम्मेदवारी परेको छ ।

यसपटक नाट्टाको निर्वाचनमा सहमति गर्ने निकै लामो प्रयास गरेपनि सफल हुन सकेको थिएन । मनोनयन दर्ता पछि अर्थ र व्यापार संग कुरा गर्दै अध्यक्षका उम्मेदवार सि.एन पाण्डेले आँफुहरुले अर्को समुहलाई पनि समेटेर सहमती गर्न खोजेपनि पछि अर्को समुहले लुकेर गई मनोनयन दर्ता गरेको वताए । अध्यक्षका अर्का प्रत्याशी शर्माले आँफुहरुलाई व्यवसायिहरुको निकै राम्रो साथ रहेको वताए ।