१५ चैत्र /अर्थ र व्यापार - काठमाडौंको होटल सोल्टीमा आयोजित लगानी सम्मेलनको प्रधानमन्त्री केपी शर्मा ओलीले शुक्रबार उद्घाटन गरेका छन् । लगानी बोर्डका अध्यक्षसमेत रहेका ओलीले सम्मेलनको उद्घाटन गरेका हुन् । विदेशी लगानी भित्र्याउने उदेश्यका साथ सरकारले दुई दिने सम्मेलन आयोजना गरेको हो ।
विभिन्न ४० देशहरुबाटमात्रै ६ सय भन्दा बढी लगानीकर्ता सहभागि भएका छन् भने स्वदेशी तथा विदेशी गरी झण्डै सम्मेलनमा करिब एक हजार लगानीकर्ताको उपस्थिति छ । लगानी बोर्डले कृषि, जलविद्युत, उद्ययोग, पर्यटन, यातायात, शहरी पूर्वाधार एवं शिक्षा तथा स्वास्थ्य क्षेत्र सम्बन्धी सार्वजनिक क्षेत्रमा ५० र निजी क्षेत्रका २७ गरि ७७ वटा परियोजनाहरू प्रस्तुत गर्नेछ । सम्मेलनमा करिब १२ वटा विभिन्न समझदारी तथा सम्झौतामा हस्ताक्षर गर्ने तयारी छ ।
अर्थमन्त्री युवराज खतिवडाले स्वागत मन्तव्य राख्दै सहभागीहरुलाई स्वागत गरेका थिए । सम्मेलनमा सरकारले ७७ वटा परियोजनाहरु प्रस्ताव गर्दैछ जसमा २७ वटा निजी क्षेत्रको रहेको छ ।
तपाईको प्रतिक्रिया