८ असार / अर्थ र व्यापार - शुक्रबार त्रिभुवन अन्तर्रा्ष्ट्रिय विमानस्थल आधा घण्टाका लागि बन्द हुने भएको छ । दिउँसो ४ बजेर ३० मिनेटदेखी ५ बजेसम्म विमानस्थल पूर्ण रुपमा बन्द हुने छ । विमानस्थल बन्द भएपछि उडान र अवतरणको सम्पूर्ण काम ठप्प हुनेछ ।

अन्तर्रा्ष्ट्रिय नागरिक उड्डयन संस्था (आइकाओ) को नियम अनुसार प्रत्येक दुइरदुई वर्षमा अन्तराष्ट्रिय मान्यताप्राप्त विमानस्थहरुले गर्नुपर्ने ’फुल स्केल इमर्जेन्सी एक्सरसाइज’ गर्नुपर्ने भएका कारण विमानस्थल बन्द गर्न लागिएको हो । यो एक्सरसाइजमा ३० मिनेट विमानस्थल पूर्ण रुपमा बन्द गरेर विमानस्थल र वरपर भएका सम्पूर्ण अग्नी नियन्त्रक लगायतका सामाग्रीहरु त्यहाँ लगिन्छ ।

यदि विमानस्थलमा कुनै जहाजको दूर्घटना भइहाल्यो भने तत्काल कसरी उद्दार गर्न सकिन्छ र विमानस्थलको ’एक्सिडेन्ट रिड्युस’ गर्ने क्षमता कति छ भनेर जाँच गरिन्छ र यसलाई दूर्घटनापूर्व गरिने पूर्वतयारीका रुपमा समेत लिइन्छ । जसका लागि विमानस्थलले काठमाडौंमा ल्याण्ड हुने एयरबसको ए ३३० सिरिजको ठूलो जहाजको छनौट गरिसकेको छ ।

पूर्वतयारी अनुसार १८० जना यात्रु बोकेर काठमाडौं एयरपोर्टमा अवतरण हुन लागेको जहाज पेप्सीकोला क्षेत्रमा दूर्घटना हुन्छ र त्यसलाई निभाउनकालागि उपलब्ध हरेक प्रयास गरिन्छ । साथसाथै घाइते र मृत्यु भएका यात्रुलाई उद्दार गरिन्छ । विमानस्थलले यो पटक जहाज दूर्घटनाबाट घाइते भएका यात्रुलाई हेलिकप्टरमार्फत ग्रान्डी अस्पतालसम्म पुर्याइने योजना रहेको छ ।