४ माघ / अर्थ र व्यापार- नेपाल एसोसिएसन अफ टुर एण्ड ट्राभल एजेण्ट्स (नाट्टा) शुक्रवार भएको निर्वाचनवाट अध्यक्षमा अच्युत गुरागाई निर्वाचित भएका छन् । नाट्टाको नेतृत्वको लागि शुक्रबार भएको मतदानमा आफ्ना प्रतिस्पर्धी भिम प्रसाद पन्त र मिहीका शाह धाख्वालाई पराजित गर्दै गुरागाई अध्यक्षमा निर्वाचित भएका हुन् । निर्वाचनमा कुल ४ सय ५ मत खसेकोमा अध्यक्षमा विजयी गुरागाईंले १५० मत प्राप्त गरे भने उनका प्रतिस्पर्धी पन्तले १२६ र धाख्वाले १०९ मत प्राप्त गरे । 

त्यस्तै नाट्टाको वरिष्ठ उपाध्यक्षमा पन्त समुहका विनय बस्नेत, उपाध्यक्षमा धाख्वा समुहका रमेश थापा, महासचिवमा पन्त समुहका सुुुुुधिर कुमार उपाध्याय, सचिवमा पन्त समुहका जिस्वा तुलाधर श्रेष्ठ, कोषाध्यक्षमा गुरागाईं समुहका कुमार मणि थपलिया र सह कोषाध्यक्षमा पन्त समुहकी युविका भण्डारी निर्वाचित भए ।

त्यस्तै सदस्ययहरुमा लक्ष्मी कार्की अधिकारी, गीता ढकाल, सुवर्ण श्रेष्ठ, हरि कुमार श्रेष्ठ, विष्णु कार्की, डेण्डी शेर्पा, राज कुमार देवकोटा र भरत जंग पाण्डे निर्वाचित भए ।