२५ माघ / अर्थ र व्यापार- नेपाल भ्रमण वर्ष २०२० लाई लक्षित गरि बनेपामा आगन्तुक रिसोर्ट सञ्चालनमा आएको छ । व्यवसायीहरु कृष्ण प्रसाद ज्ञवाली र हरि नेपालले रिसोर्टको निर्माण गरेका हुन । 

बनेपाको गोसाईस्थान मार्गमा निर्माण भएको रिसोर्ट ७२ रोपनी क्षेत्रफलमा फैलिएको छ । निर्माण सुरु गरेको ३० महिनामा नै सञ्चालनमा आएको रिसोर्ट १२५ करोड लगानीमा निर्माण भएको होटलका प्रबन्ध निर्देशक हरि नेपालले वताए ।

होटलमा डिलक्स,प्रिमियम,स्विट रुमहरु रहनुका साथै डिलक्स अपार्टमेण्ट,प्रिमियम अपार्टमेण्ट,रेष्टुरेण्ट,फिटनेस सेन्टर,स्विमिङ पुल,प्राईभेट पार्किङ लगायतका सुविधा हरु रहेको रिसोर्टले जनाएको छ ।

नेपाल भ्रमण वर्ष २०२० को सुरुवातमा नै सञ्चालनमा आएको रिसोर्टले सरकारको योजनालाई सघाउने र काभ्रे,बनेपा र धुलिखेल क्षेत्रलाई प्रमुख पर्यटकिय गन्तव्यको रुपमा विकास गर्न सहयोग पु¥याउने प्रबन्ध निर्देशक नेपालले वताए ।