२७ असार / अर्थ र व्यापार – चितवनमा बिक्री भइरहेको सुन कम गुणस्तरको रहेको पुष्टि भएको छ । जिल्लामा लोकप्रिय भनिएका सुनचाँदी पसलले कम गुणस्तरको सुन बिक्री गरेको चितवन जिल्ला अदालतको फैसलाले पुष्टी भएको हो।
चार वर्षअघि गरिएको अनुगमनका क्रममा सुनचाँदीको नमुना लिइएका पसलहरुको सुनचाँदी कम गुणस्तरका फेला परेका थिए । वाणिज्य विभागको टोलीले गरेको अनुसन्धानका आधारमा अदालतमा मुद्दा दायर भएको थियो । यो मुद्दामा अदालतले सुनचाँदी पसलले कम गुणस्तरको सुन बिक्री गरेको भन्दै जरीवानाको फैसला गरेको थियो ।
ज्योती सुनचाँदी पसल, लोकमान एण्ड सन्स, जयमाँ सुनचाँदी पसल र माँ जानकी सुनचाँदी पसलले कम गुणस्तरको सुन बिक्री गरेको भन्दै जरीवाना गरिएको छ ।
जगदम्बा सुनचाँदी पसल र बराली गहना सप्लायर्सको मुद्दा टुगिंएको छैन् । जीवन ज्योति सुनचाँदी पसललाई ५५ हजार, लोकमान एण्ड सन्सलाई ६५ हजार जरिवाना, जय सन्तोषी माँ सुनचाँदी पसललाई ७० हजार जरिवाना र सबैभन्दा धेरै माँ जानकी ज्वेलर्सलाई एक लाख रूपैयाँ जरिवाना गरिएको छ ।
उपभोक्ता संरक्षण ऐन–२०५४ र नियमावली–२०५६ मा व्यवस्था भए अनुसार यस ऐनको दफा १० खण्ड ‘क’ विपरीत कुनै पनि व्यवसायीले कम गुणस्तरका सामान किनबेच गरेमा तीन वर्षसम्म कैद वा पचास हजार रुपैयाँ जरिवाना वा दुवै सजाय हुन सक्ने उल्लेख छ ।
तपाईको प्रतिक्रिया