१५ चैत/अर्थ र व्यापार – काठमाडौंको तीनकुने क्षेत्रमा राजावादीहरूले तोकिएको घेरा तोड्न खोजेपछि प्रदर्शनकारी र प्रहरीबीच झडप भएको छ । अवस्था तनावग्रस्त भएको छ । प्रदर्शनका लागि तोकिएको घेरा तोड्न प्रदर्शनकारीले प्रहरीमाथि ढुंगामुढासमेत प्रहार गरेका छन् । प्रदर्शनकारीलाई रोक्न प्रहरीले अश्रुग्यास प्रहार गरेको छ । तीनकुनेका केही घरमा आगलागी र तोडफोड भएको छ ।
शुक्रबार बिहानैबाट विभिन्न ठाउँबाट ¥यालीसहित तीनकुने पुगेर सभामा परिणत हुने भनिए पनि पहिले नै भीड भड्किएको छ । नवराज सुवेदी नेतृत्वको संयुक्त जनआन्दोलन समितिले व्यवसायीलाई दुर्गा प्रसाईंलाई आन्दोलनमा जनपरिचालनको जिम्मा दिएको छ । सो आन्दोलनमा राजेन्द्र लिङ्देन नेतृत्वको राप्रपाको समेत साथ रहेको छ ।
प्रसाईंले अगुवाइ गरेर गत ४ चैतमा राष्ट्रिय पञ्चायतका पूर्व अध्यक्ष राप्रपाका नेता नवराज सुवेदीको नेतृत्वमा राजसंस्था पुनःस्थापनाका लागि संयुक्त जनआन्दोलन समिति गठन गरिएको थियो । सो समिति गठनभएसँगै यस समिति विवादमा तानिएको थियो । राप्रपाका अध्यक्ष लिङ्देनले आफू सो समितिमा नरहेको जनाएका थिए । राप्रपाको कार्यसम्पादन समितिको बैठकले राप्रपा आफैंले आन्दोलन गर्ने कुनै व्यक्ति विशेषको नेतृत्वमा पार्टीलाई नलैजाने निर्णय लिएको थियो ।
प्रदर्शनकारी र प्रहरीबीच झडप भएपछि काठमाडौको तीनकुनेको स्थित तनावग्रस्त भएको छ । अहिले सो क्षेत्रमा प्रहरीले हवाई फायर गरेको छ । घरमा लागेको आगो निभाउन गएको दमकललाई पनि प्रदर्शनकारीले ढुंगा हानेर आगो निभाउन सकिएको छैन । प्रहरीले सुरुमा अश्रुग्याँस प्रहार गरेको थियो । त्यसपछि हवाई फायर गरेको हो । अहिले आगो निभाउन नसकी दमकल फर्किएको छ । काठमाडौंको तिनकुनेमा राजवादीहरुले गणतन्त्र खारेज र राजसंस्था पुनस्र्थापनाको माग सहित ठुलो सभा आयोजना गरेका थिए । तर प्रहरीसँगको धकेलाधकेलले अवस्था क्षणभरमै रणमैदान बनेको हो ।
प्रदर्शनकारीलाई तितरबितर बनाउन प्रहरीले अश्रुग्याँस प्रहार गरेर भिडलाई नियन्त्रण गर्ने प्रयास गरेपनि प्रहरीले सकेको छैन । राजावादी प्रदर्शनकारी निकै उग्र भएका छन् । राजावादीहरुले तीनकुनेमा गर्न लागेको सभा सुरु हुननपाई बिथोलिएपनि त्यहाँको अवस्था बिग्रिएको छ । सो प्रदर्शनमा नेताहरु देखिएका छैनन् ।