७ भदौ / अर्थ र व्यापार- आगामी भदौ १७ गते हुने ट्रेकिङ एजेन्सिज एसोसियसन अफ नेपाल (टान)को निर्वाचनमा सफल पर्यटन व्यवसायी निशेष थापाले सागर पाण्डे समुहवाट द्धितीय उपाध्यक्ष पदमा उम्मेदवारी दिएका छन ।

विगत दुई दशकदेखि पर्यटन व्यवसायमा सक्रिय थापा हिमालयन वण्डर्स एडभेन्चर प्रा.लि.का प्रबन्ध निर्देशक हुन । होटल व्यवसायमा समेत संलग्न थापाले यसअगाडी पर्यटक सेवा संघको कार्यसमिति सदस्य र गाउँ पर्यटन प्रवद्र्धन मञ्च (भिटोफ–नेपाल) को महासचिव पदमा रहेर समेत कार्य गरिसकेका छन । थापाले सञ्चालन गरेको कम्पनी हिमालयन वण्डर्स एडभेन्चर प्रा.लि.पछिल्लो दशक नेपालको पर्यटन क्षेत्रकै सफल कम्पनीका रुपमा परिचित छ ।

द्धितीय उपाध्यक्ष पदका उम्मेदवार थापा पछिल्ला वर्षहरुमा पदयात्रा व्यवसायीहरुको छाता संस्था टानको नेतृत्व लिन भईरहेका राजनीतिक गतिविधि प्रति चिन्तित छन । टानलाई राजनीतिवाट मुक्त राखेर विशुद्ध व्यवसायीक संस्थाको रुपमा अगाडी बढाउनु पर्ने र पदयात्रा व्यवसाय र व्यवसायीको हक, हित र व्यवसायको सुधारका लागी अगाडी बढाउनुपर्ने वताउँछन ।

आफ्नो समुह निर्वाचित भएमा पदयात्रा पर्यटन क्षेत्रका समस्याहरु समाधानका लागी पहल गर्ने, टिम्सलाई व्यवहारिक र सहि ढंगले कार्यान्वयनमा ल्याउने, कर र भ्याटका सम्बन्धमा देखापरेका समस्याहरु समाधानका लागी सक्रिय पूर्वक पहल गर्ने थापाले वताए ।