३ फागुन / अर्थ र व्यापार- ल्याण्डमार्क होटल्स एण्ड रिसोर्टले भैरहवामा होटल ल्याण्डमार्क भैरहवा सञ्चालनमा ल्याएको छ । ल्याण्डमार्क होटल्स एण्ड रिसोर्टले यसअघिदेखि नै पोखरा, चितवन र काठमाडौँमा ल्याण्डमार्क होटल सञ्चालन गर्दै आएको छ ।
ल्याण्डमार्क होटल्स एण्ड रिसोर्टले रूपन्देही, सिद्धार्थनगर नगरपालिका वडा नम्बर–३ को सिंगापुर कोलनीमा चारतारे स्तरसरहको नयाँ होटल सञ्चालनमा ल्याएको होटलका सञ्चालक सि.एन. पाण्डेले वताए । होटलमा ६० वटा रुम, स्विमिङ पुल, रेष्टुरेण्ट, रूफटप बार तथा ६ सय जना क्षमताको सेमिनार हल रहेका छन भने पर्यटकहरुलाई स्तरिय सेवा प्रदान गरिनेछ । त्यसवाहेक पर्यटकहरुको सेवा र सुविधालाई मध्यनजर गर्दैै आगामी दिनमा होटलका सेवा सुविधाहरु विस्तार गर्दै जाने योजना रहेको पाण्डेले वताए ।
“भैरहवा विमानस्थल सञ्चालनमा आएपछि सो क्षेत्रमा आवश्यक पर्ने स्तरिय होटल सेवालाई मध्यनजर गर्दै भैरहवामा होटल सञ्चालनमा ल्याएका हौं”–होटलका सञ्चालक पाण्डेले भने । त्यसवाहेक भारतिय र श्रीलंकाका पर्यटकहरुलाई सडकमार्गवाटै पनि आकर्षित गर्ने योजनामा रहेको पाण्डेले वताए । भारतसंगको सिमावाट जम्मा चार किमि दुरीमा रहेको होटलले विवाह, नेपाली र भारतिय कर्पोरेट कार्यक्रम तथा माईस टुरिजममा आधारित रहेर विभिन्न योजनाहरु ल्याउने पाण्डेले वताए ।
तपाईको प्रतिक्रिया