२९ असार/अर्थ र व्यापार – दक्षिण तथा मध्य एसिया हेर्ने अमेरिकी सहायक विदेशमन्त्री डोनाल्ड लु नेपाल आइपुगेका छन् ।
काठमाडौं बसाईका क्रममा लुले विभिन्न राजनीतिक दलका नेताहरुसँग भेट गर्ने तालिका छ। यस्तै, अमेरिकन चेम्बर अफ कमर्सको एक सदस्य संस्थासँग पनि उनले भेटघाट गर्दैछन्।
त्यसक्रममा उनले नेपालीहरूलाई विश्वव्यापी रूपमा प्रतिस्पर्धा गर्न सक्षम बनाउने दिशामा अनुपम सीप प्रदान गर्न भइरहेका प्रयासहरु बारे उनले बुझ्ने प्रयास गर्नेछन्।
यसपटकको भ्रमणमा लुले मिलिनियम च्यालेन्ज कर्पोरेसन (एमसीसी) को प्रगतिबारे पनि बुझ्ने बताइएको छ । सन् २०२२ को जुलाईमा पनि उनी नेपाल आएका थिए।

गत वर्ष सरकारले अमेरिकी सेनाको नेसनल गार्ड स्टेट पार्टनरसिप प्रोग्राम (एसपीपी)लाई अगाडि नबढाउने निर्णय गरेपछि आकास्मिक रुपमा उनी नेपाल आइपुगेका थिए।