logo

खाद्य कम्पनीले खसिबोका र च्याङग्राको मुल्य तोकेर विक्री थाल्यो, खसीबोकाको भाउ प्रतिकेजी ६७० र च्याङग्राको १२ सय ५० रुपैयाँ

    239   पटक पढिएको


१२ असोज/अर्थ र व्यापार – अकासिदो बजार भाउ नियन्त्रण गर्ने उदेस्यले दसैंका उपभोक्तालाई केही सहुलियत दरमा रसिलो मासु उपलब्ध गर्दै आएको खाद्य व्यवस्था तथा व्यापार कम्पनीले यसपालीको दसैंका लागि जिउँदो खसीबोका र च्याङग्राको मूल्य तोकेको छ ।
काठमाडौको थापाथलिस्थित खाद्य गोदावबाट बुधबारदेखि दसैंका खसिबोका र च्याङग्रा बिक्री थालेको खाद्य कम्पनीले यो दसैंकालागि जिउँदो खसीबोकाको मुल्य प्रतिकेजी ६७० रुपैयाँ र च्याङग्राको १२ सय ५० रुपैयाँ निर्धारण गरेको हो ।
सरकारी स्वामित्वमा सञ्चालित कम्पनीले मंगलबार निर्धारण गरेको यो मुल्य हाल काठमाडौ उपत्यकाका विभिन्न खसिबजारका व्यापारीको भन्दा प्रतिकेजी ५० रुपैयाँसम्म सस्तो भाउ हो ।
यसपालीको दसैंकालागि खाद्य कम्पनीले खसिबोका र च्याङग्रा गरि पाँचहजार वटा काठमाडौ ल्याएर विक्री गर्ने बताएको छ । खद्य कम्पनीका बिक्री वितरण विभाग प्रमुख भीम थापाले अहिले विभिन्न ठाउँबाट संकलन गर्ने क्रममा नै भाउ बढेकाले यस कम्पनीले हाल बाहिर बजारमा भएको भन्दा केही सस्तोदरमा विक्री मुल्य निर्धारण गरिएको बताए ।
यो मुल्य सरकारले यसअघि नै थप प्रतिकेजी १० रुपैयाँ छुट दिइने निणर्य भएअनुसार तोकिएको भाउ अनुसारको भएको सो कम्पनीले जनाएको छ । नत्र यस कम्पनीबाट खरिदगर्ने उपभोक्ताले खसिबोकाको मुल्य प्रतिकेजी १८० रुपैयाँ र च्याङग्राको १६० रुपैयाँ तिर्नुपर्ने हुन्थ्यो ।
यसैगरि, च्याङग्राको मूल्य प्रतिकेजी १२६० रुपैयाँ तोकेर विक्री सुरु गरेको छ । प्रतिकेजी १० रुपैयाँ छुटसहित उपभोक्ताले १२ सय ५० रुपैयाँमा च्याङग्रा खरिद गर्न पाउनेछन् । यसरी निर्धारण भएको भाउमा समेत अझै प्रतिकेजी १० रुपैयाँ छुट दिएकाले थापाथली आउने उपभोक्ताले खसीबोका प्रतिकेजी ६७० रुपैयाँ र च्याङग्रा १२५० रुपैयाँमै पाउने भएका हुन । सो कम्पनीले अकासिएको बजार मुल्य नियन्त्रणको प्रयास स्वरुप यसपालीको दसैंमा खसिबोका र च्याङग्राको बिक्री मुल्य बाहिरको अन्यबजारमा प्रतिकेजी ५० रुपैयाँ सस्तो गरिदिएको बताएको छ ।
लाखौंको संख्यामा रहेका काठमाडौ उपत्यकावासीकालागि सरकारको तर्फबाट उपलब्ध गराउन लागिएको जम्मा ५ हजार संख्याको खसिबोका र च्याङग्राको विक्री एकदमै न्युन हो । यसले काठमाडौ उपत्यकावासीको माग पटक्कै धान्न सक्ने छैन । तैपनि, यसरी प्रतिकेजी ५० रुपैयाँसम्म सस्तो हुनेगरि निर्धारण भएको मुल्यले अश्वभाविक रुपमा बढेको बजार मुल्य नियन्त्रणकालागि भने केही सहयोग पुग्ने अपेक्षा गरिएको सो कम्पनीको दावी छ ।
दसैंकालागि काठमाडौ उपत्यकाभरका विभिन्न खसिबजार तथा विभिन्न प्रवेश नाकाहरुको सडकमा व्यापारिले ल्याईपु¥याउने खसिबोका र च्याङग्राको संख्या झन्डै ३० लाखभन्दा बढीको हुने गरेको छ ।
यसैगरि, काठमाडौको चौपाया खरिद बिक्री सेवा संघले मंगलबार तय गरेको भाउ अनुसार पहाडिया लोकल खसीबोकाको मूल्य प्रतिकेजी ६८० देखि ७ सय १० रुपैयाँसम्म रहेको थियो । यसैगरि, च्याङग्राको प्रतिकेजी १३ सय रुपैयाँ रहेको थियो । बाहिरको यो मुल्य अनुसार खाद्य कम्पनीबाट खरिद गर्ने उपभोक्ताले खसिबोकामा प्रतिकेजी ४० रुपैयाँ र च्याङग्रामा प्रतिकेजी ५० रुपैयाँ सस्तोमा पाउने छन ।
काठमाडौवासीलाई रसिलो मासु उपलब्ध गराउन यसपालीको दसैकालागि खाद्य कम्पनीसँगै विभिन्न व्यावसायिक संघ÷संस्था एवं कम्पनीहरुले अहिले धमाधम खसीबोका र च्याङग्रा खरिद विक्री सुरु गरेका छन् ।
खाद्य कम्पनीले विगतका वर्षहरुमा झै यसपाली पनि आफ्ना देसभरका विभिन्न डिपो एवं संकलन केन्द्रहरुबाट खसीबोका र च्याङग्रा काठमाडौ ल्याईरहेको छ । यसैगरि, निजी क्षेत्रका व्यावसायिले पनि सल्यान, सुर्खेत, बैतडी, डडेलधुरा, मकवानपुर, रामेछाप, नुवाकोट, धादिङ र काठमाडौ उपत्यकाको काँठ क्षेत्र लगायतबाट धमाधम खसीबोका ल्याउन थालेका छन ।

तपाईको प्रतिक्रिया

सम्बन्धित शीर्षकहरु

मुख्य खबर

यस्तो छ संसोधित बीमा ऐन–२०७९को नयाँ व्यवस्था

राष्ट्रपति विद्यादेवी भण्डारीले हालै ‘बीमा ऐन २०७९’ लाई स्वीकृत गरेकी छिन् ।

अमेरिकी डलरको भाउ अत्यधिक बढेर नयाँ रेकर्डमा, एक डलरको विक्री मुल्य १३२ रुपैयाँ नाग्यो

अमोरिकी डलरको भाउ अकासिएर नेपालको इतिहासमै नयाँ रेकर्ड कायम भएको छ ।

खाद्य कम्पनीले खसिबोका र च्याङग्राको मुल्य तोकेर विक्री थाल्यो, खसीबोकाको भाउ प्रतिकेजी ६७० र च्याङग्राको १२ सय ५० रुपैयाँ

अकासिदो बजार भाउ नियन्त्रण गर्ने उदेस्यले दसैंका उपभोक्तालाई केही सहुलियत दरमा रसिलो मासु उपलब्ध गर्दै आएको खाद्य व्यवस्था तथा व्यापार कम्पनीले यसपालीको दसैंका लागि जिउँदो खसीबोका र च्याङग्राको मूल्य तोकेको छ ।

मनोरञ्जन

पाण्डेको ‘सहायक श्रीमान’लाई अमेरिकामा उत्कृष्ट अन्तर्राष्ट्रिय डकुमेन्ट्री अवार्ड

नेपालका कतिपय हिमाली क्षेत्रमा विद्यमान बहुपति प्रथाका बारेमा निर्मित वृत्तचित्र ‘सहायक श्रीमान’ (को–हजबेन्ड)ले आठौं कब इन्टरनेसनल फिल्म फेस्टिवलमा उत्कृष्ट उपाधि जितेको छ ।

बल्कबष्टर नेपाली फिल्म अवार्ड सम्पन्न, सम्पादक बगालेसहित विभिन्न व्यक्तित्व सम्मानित

विगत १६ वर्षदेखि निरन्तर रूपमा आयोजना हुँदै आएको ब्लकबस्टर नेपाली फिल्म अवार्ड २०७८ भव्य रूपमा सम्पन्न भएको छ ।

कक्षा १२ उत्तिर्ण गरिन करिश्मा मानन्धरले

नायिका करिश्मा मानन्धरले कक्षा १२ पास गरेकी छन् । शुक्रबार प्रकाशित नतिजा अनुसार उनले ‘बी प्लस’ ग्रेडसहित १२ कक्षा उत्तिर्ण गरेकी हुन् । यस्तो रिजल्ट आएपछि नायिका मानन्धरले आफुले सोचेअनुसारकै नतिजा आएको बताएकी छिन् । उनका अनुसार दुईवटा विषयमा ए प्लस आएको छ भने समग्रमा बी प्लस आएर १२ कक्षा पास भएको छ ।