१५ साउन/अर्थ र व्यापार – अर्थमन्त्रीमा पुनः जनार्दन शर्मा नियुक्त हुने भएका छन् । माओवादी केन्द्रका अध्यक्ष पुष्पकमल दाहालले आइत्बार बिहान प्रधानमन्त्री शेरबहादुर देउवालाई भेटेर अब शर्मालाई नै पुनः अर्थमन्त्री नियुक्त गर्न सिफारिस गरेका हुन् ।
पार्टी अध्यक्षको सिफारिसपछि अबको केही समयभित्र शर्मालाई नै अर्थमन्त्रीमा शपथ ग्रहण गराउने तयारी गरिएको छ । प्रधानमन्त्रीले शर्माको नाम शितलनिवास पठाएपछि राष्ट्रपति विद्यादेवी भण्डारीबाट आजै उनले पद तथा गोपनियताको सपथ लिनेछन् ।
आर्थिक वर्ष २०७९÷८० को बजेट निर्माणको क्रममा अनधिकृत व्यक्तिलाई करको दर हेरफेर गरेको आरोप लागेपछि उनले गत असार २२ गते राजीनामा दिएका थिए । तर, यसबारे छानबिन गर्न बनेको संसदीय विशेष समितिले शुक्रबार बजेट निर्माणको क्रममा अर्थ मन्त्रालयमा अनधिकृत व्यक्ति प्रवेश गरेको नदेखिएको प्रतिवेदन बुझाएको थियो ।
तपाईको प्रतिक्रिया