logo

आर्थिक वर्षको अन्त्यमा एकैदिन सरकारले ग¥यो २४ अर्ब २१ करोड रुपैयाँ खर्च

    277   पटक पढिएको

१ साउन/अर्थ र व्यापार – शनिबारदेखि समाप्त भएको आर्थिक वर्ष २०७८/७९को अन्त्यमा आएर एकैदिन सरकारले २४ अर्ब २१ करोड ४१ लाख रुपैयाँ खर्च गरेको छ ।
महालेखा नियन्त्रकको कार्यालयले सार्वजनिक गरेको दैनिक बजेटरी खर्च विवरणमा यस्तो देखिएको हो । महालेखा नियन्त्रकको कार्यालयका अनुसार गत आर्थिक वर्ष समाप्तीको अघिल्लो दिन शुक्रबार रातीसम्ममा सरकारले चालु खर्च, पूँजिगत खर्च र वित्तिय व्यवस्था गरि आर्थिक वर्षको अन्त्यमा आएर एकैदिन यतिधेरै रकम भुक्तानी दिएको हो ।
यसले विगतका वर्षहरुमा जस्तै यो वर्ष पनि मुलुकको बजेट खर्च आर्थिक वर्षको अन्तिम महिना असार लागेपछि निकै हतारमा लटपट्याएर जसरी पनि खर्च गरिहाल्ने पुरानै परिपाटीले निरन्तरता पाएको छलंग बनाईदिएको छ ।
महालेखा नियन्त्रकको कार्यालयले आर्थिक वर्षको अन्त्यमा आएर गरिएको देसको बजेट खर्च अत्यधिक बढी देखिएको जनाएको छ । पहिले भएको कामको भुक्तानी पनि अन्तिम समयमा भएको र आर्थिक वर्षको अन्तिममा हतारमा काम गरेर भुक्तानी दिएको सो विवरणले समेत प्रष्ट्र पारेको महालेखाले जनाएको छ ।
महालेखा नियन्त्रकको कार्यालयका अनुसार आर्थिक वर्ष समाप्तीको अघिल्लो दिन शुक्रबार मात्र संघिय सरकारले एकैदिन २४ अर्ब २१ करोड ४१ लाख रुपैयाँ भुक्तानीकालागि विभिन्न निकायलाई चेक काटेको छ ।
एकैदिन यसरी भएको ठुलो खर्च मध्ये पूँजिगत (विकास खर्च) का लागि मात्र शुक्रबार सरकारले ९ अर्ब ८४ करोड ३१ लाख रुपैयाँको भुक्तानी दिएको देखिएको महालेखा नियन्त्रकको कार्यालयले जनाएको छ । यसरी खर्च गर्दा पनि ५७.१८ प्रतिशत मात्र विकास खर्च गरेको छ । अझै सरकारी लक्ष्य प्राप्तीकालागि ४२.८२ प्रतिशत पूँजिगत खर्च गर्नुपर्ने थियो । तर अहिलेको वर्ष पनि यो सरकार आफुले निर्धारण गरेको लक्ष्य प्राप्तीमा असफल भएको छ ।
यसैगरि, सरकारले चालू खर्च तर्फ ५ अर्ब ३२ करोड १० लाख रुपैयाँ र वित्तीय व्यवस्थापनको लागि सरकारले ९ अर्ब रुपैयाँ भुक्तानी गरेको छ । आर्थिक वर्ष समाप्तीको अन्तिम दिन शनिबार भएका पनि सरकारले राजस्व संकलन र भुक्तानीको व्यवस्थालाई खुल्ला गरेको थियो । असार मसान्त भएकोले सरकारले शनिबार बिदाको दिन पनि सेवा खुला गरेको थियो । शनिबारअघिसम्म सरकारको कुल खर्च १३ खर्ब १ अर्ब ४२ करोड रुपैयाँ अर्थात् ८० प्रतिशत पुगेको छ।
त्यसो त सरकारले असार महिनामा मात्रै २ खर्ब ५३ अर्ब रुपैंयाँ खर्च गरेको हो। असार १ गते १० खर्ब ४८ अर्ब रुपैयाँ खर्च भएको तथ्याङ्क महालेखा नियन्त्रकको कार्यालयले उल्लेख थियो। तर आजसम्ममा १३ खर्ब १ अर्ब खर्च भएको महालेखाले जानकारी दिएको छ।
राजस्व संकलन भने सरकारले ९० प्रतिशत गरेको हो। ११ खर्ब ८० अर्ब रुपैयाँ संकलन गर्ने लक्ष्य राखेको सरकारले हालसम्म १० खर्ब ५९ अर्ब रुपैयाँ संकलन गरेको हो।
त्यस्तै असार महिनामा मात्रै सरकारले १ खर्ब १४ अर्ब रुपैयाँ राजस्व संकलन गरेको हो। असार १ गते ९ खर्ब ४५ अर्ब रुपैयाँ आम्दानी गरेको सरकारले आज सम्ममा १० खर्ब ५९ अर्ब रुपैयाँ आम्दानी गरेको देखिएको हो।

तपाईको प्रतिक्रिया

सम्बन्धित शीर्षकहरु

मुख्य खबर

यस्तो छ संसोधित बीमा ऐन–२०७९को नयाँ व्यवस्था

राष्ट्रपति विद्यादेवी भण्डारीले हालै ‘बीमा ऐन २०७९’ लाई स्वीकृत गरेकी छिन् ।

अमेरिकी डलरको भाउ अत्यधिक बढेर नयाँ रेकर्डमा, एक डलरको विक्री मुल्य १३२ रुपैयाँ नाग्यो

अमोरिकी डलरको भाउ अकासिएर नेपालको इतिहासमै नयाँ रेकर्ड कायम भएको छ ।

खाद्य कम्पनीले खसिबोका र च्याङग्राको मुल्य तोकेर विक्री थाल्यो, खसीबोकाको भाउ प्रतिकेजी ६७० र च्याङग्राको १२ सय ५० रुपैयाँ

अकासिदो बजार भाउ नियन्त्रण गर्ने उदेस्यले दसैंका उपभोक्तालाई केही सहुलियत दरमा रसिलो मासु उपलब्ध गर्दै आएको खाद्य व्यवस्था तथा व्यापार कम्पनीले यसपालीको दसैंका लागि जिउँदो खसीबोका र च्याङग्राको मूल्य तोकेको छ ।

मनोरञ्जन

पाण्डेको ‘सहायक श्रीमान’लाई अमेरिकामा उत्कृष्ट अन्तर्राष्ट्रिय डकुमेन्ट्री अवार्ड

नेपालका कतिपय हिमाली क्षेत्रमा विद्यमान बहुपति प्रथाका बारेमा निर्मित वृत्तचित्र ‘सहायक श्रीमान’ (को–हजबेन्ड)ले आठौं कब इन्टरनेसनल फिल्म फेस्टिवलमा उत्कृष्ट उपाधि जितेको छ ।

बल्कबष्टर नेपाली फिल्म अवार्ड सम्पन्न, सम्पादक बगालेसहित विभिन्न व्यक्तित्व सम्मानित

विगत १६ वर्षदेखि निरन्तर रूपमा आयोजना हुँदै आएको ब्लकबस्टर नेपाली फिल्म अवार्ड २०७८ भव्य रूपमा सम्पन्न भएको छ ।

कक्षा १२ उत्तिर्ण गरिन करिश्मा मानन्धरले

नायिका करिश्मा मानन्धरले कक्षा १२ पास गरेकी छन् । शुक्रबार प्रकाशित नतिजा अनुसार उनले ‘बी प्लस’ ग्रेडसहित १२ कक्षा उत्तिर्ण गरेकी हुन् । यस्तो रिजल्ट आएपछि नायिका मानन्धरले आफुले सोचेअनुसारकै नतिजा आएको बताएकी छिन् । उनका अनुसार दुईवटा विषयमा ए प्लस आएको छ भने समग्रमा बी प्लस आएर १२ कक्षा पास भएको छ ।