logo

गौतमबुद्ध अन्तर्राष्ट्रिय विमानस्थलमा जजिराले लियो पहिलो उडान अनुमति

    202   पटक पढिएको

८ वैशाख/अर्थ र व्यापार – भर्खर निर्माण सम्पन्न भएको देसकै दोस्रो अन्तर्राष्ट्रिय विमानस्थल गौतमबुद्ध अन्तर्राष्ट्रिय विमानस्थलमा कुवेती वायुसेवा कम्पनी जजिरा एयरवेजले पहिलो उडान भर्ने अनुमति लिएको छ ।
आगामी २ जेठका दिन गौतमबुद्ध अन्तर्राष्ट्रिय विमानस्थल उद्घाटन गर्ने योजना सरकारको छ । सोही दिनबाट कुवेती वायुसेवा कम्पनी जजिराले नियमित उडान सुरु गर्ने नेपाल नागरिक उड्डयन प्राधिकरणले जनाएको छ ।
प्रधिकरणका महानिर्देशक प्रदीप अधिकारीले यस्तो जानकारी गराएका हुन । उनले जानकारि गराए अनुसार जजिराले पहिलो चरणमा साताको तीन दिन उडान भर्ने गरी अनुमति लिएको छ । जजिरा एयरवेजको विमान कुवेतबाट सोमबार, बुधबार र शुक्रबार गौतमबुद्ध अन्तर्राष्ट्रिय विमानस्थलमा आउने छ ।
अहिलेसम्म विदेशी वायुसेवा कम्पनीले यस विमानस्थलमा पहिलोपटक अन्तर्राष्ट्रिय उडान सुरु गर्ने निश्चित भएपनि मुलुकको राष्ट्रिय ध्वजाबाहक नेपाल वायुसेवा निगमले भने अझै पनि यो विमानस्थलबाट उडान थाल्ने विषयमा कुने निणर्य गर्न सकेको छैन ।
नेपाल वायुसेवा निगमका कार्यकारी अध्यक्ष युवराज अधिकारीले गौतमबुद्ध अन्तर्राष्ट्रिय विमानस्थलबाट राष्ट्रिय ध्वजाबाहक निगमको विमान उडाउने विषय अहिले पनि अध्ययनकै चरणमा रहेको बताए । हालसम्म कुनै पनि गन्तव्य तय नभइसकेको बताउँदै अधिकारीले भने, ‘ भैरहवाबाट विमान त उडाउने हो, तर, अहिले हामी कुन गन्तव्यमा उपयुक्त होला भनेर अध्ययन गरिरहेका छौं ।’
यो विमानस्थलमा विदेशी वायुसेवाले उडान भर्ने तालिका नै बनाईसकेको बेला अभलै देसको राष्ट्रिय ध्वजाबहाक निगमले यो विमानस्थलबाट सम्भावित गन्तव्यको समेत पहिचान गर्न सकेको छैन । निगमले अब विमान उडायो भने गौतमबुद्ध विमानस्थलबाट पहिलो उडान कहाँ हुन्छ ? भन्ने बारेमा अहिलेसम्म कुनै निणर्य नै नगरिकन अध्ययन गर्दै र्छौं भनेर मात्र बसिरहेको अवस्था छ ।
गौतमबुद्ध अन्तर्राष्ट्रिय विमानस्थलमा पनि ग्राउण्ड ह्याण्डिलिङको जिम्मा निगमले नै पाएको छ । सोहीकारण अन्य विदेशी कम्पनी आकर्षित नभएसम्म विमानस्थलको उडान व्यवस्था सञ्चालन जारी राख्न समेत निगमले आफ्नो विमानको उडान सुरु गर्ने जिम्मेवारी थपिएको सम्बन्धीत सरोकारवालाहरुको भनाई छ । उनीहरुले अब निगमले छिटै निणर्य गर्नुपर्ने धारणा राखेका छन ।
नेपालबाट अन्तर्राष्ट्रिय उडान भरिरहेको अर्को स्वदेशी वायुसेवा कम्पनी हिमालय एयरलाइन्सले समेत अहिलेसम्म गौतमबुद्ध अन्तर्राष्ट्रिय विमानस्थलबाट उडान भर्ने गरी कुनै योजना सार्वजनिक गरिसकेको छैन । पोखरा क्षेत्रीय विमानस्थल बनेपछि आक्रामक रुपमा अन्तर्राष्ट्रिय उडानको योजना बनाइएको बुद्ध एयरले पनि भैरहवाबाट भने अन्तर्राष्ट्रिय उडान नगर्ने यसअघि नै जानकारि गराईसकेको थियो ।
नेपाल नागरिक उड्डयन प्राधिकरणका अनुसार वायुसेवा कम्पनीहरुले उडानका लागि चासो दिइरहेका भएपनि जजिरा बाहेक अन्य वायुसेवा कम्पनीहरुले भने निवेदन दिइसकेका छैनन् । कतिपय मुलुकका वायुसेवा कम्पनी आउन चाहेको अवस्थामा पनि हवाई सेवा सम्झौता नवीकरण गर्नुपर्ने हुन्छ । सोहीकारण विमानस्थलले बिस्तारै मार्केट लिने प्राधिकरणको अनुमान छ ।
प्राधिकरणका अनुसार यो विमानस्थलबाट बौद्धमार्गी यात्रु बढीहुने मुलुकमा सहजै वायुसेवा कम्पनी आकर्षित हुने अनुमान गरिएको छ । जसमा थाइल्याण्डदेखि भियतनामसम्मका मुलुकका एयरलाइन्स हुनेछन् । अर्कोतर्फ वैदेशिक रोजगारीमा खाडी मुलुकका जाने नेपालीलाई लक्षित गरी थप अन्य एयरलाइन्सहरु आउने अपेक्षा गरिएको प्राधिकरणले जनाएको छ । जसका लागि सरकारले यस्ता लक्षित क्षेत्रसँग सम्बन्धित कामहरु भैरहवामा विस्तार गर्नुपर्ने हुन्छ ।

नयाँ धावनमार्गबाट आन्तरिक उडान सुरु
निर्माण सम्पन्न भएको भैरहवास्थित गौतमबुद्ध अन्तर्राष्ट्रिय विमानस्थलको धावनमार्गमा विमानको उडान÷अवतरण सुरु भएको छ । एयरोथाई कम्पनीबाट विमानस्थलको क्यालिब्रेसन उडान भइसकेपछि यसको रिर्पोट नेपाल नागरिक उड्डयन प्राधिकरणले आफ्नो प्रणालीमा प्रकाशित गरेको थियो । सोही रिर्पोटका आधारमा उडान÷अवतरणसँग सम्बन्धित प्रणालीहरु नयाँ धावनमार्गमा आधारित भएर वायुसेवा कम्पनीहरुले आफ्नो वायुयानमा अपलोड गर्छन् । यस्तो समयावधी ४२ दिनको राखिएको हुन्छ ।
सोही अनुसार नयाँ धावनमार्ग बिहीबारदेखि सञ्चालनमा आएको नेपाल नागरिक उड्डयन प्राधिकरणले जनाएको छ । प्राधिकरणका महानिर्देशक अधिकारीले यस्तो जानकारी गराएका हुन । नयाँ सिस्टमले अब पुरानो धावनमार्गलाई नचिन्ने बताउँदै उनले भने, ‘सोही अनुसार बिहीबारदेखि स्वभाविक रुपमा नयाँ धावनमार्ग प्रयोगमा ल्याइएको हो ।’ अब यो विमानस्थलमा आन्तरिक तथा बाह्य सबै प्रकारका विमानले उडान तथा अवतरण गर्न सक्छन् ।
बिहीबारदेखि सुरु भएको पहिलो उडानमा यति एयरलाइन्सको विमान बिहानै नयाँ धावनमार्गबाट काठमाडौंका लागि उडेको थियो । धावनमार्ग सञ्चालनमा ल्याएसँगै नयाँ विमानस्थलका सबै प्रणाली सक्रिय बनेका छन् । यो विमानस्थल आयोजना सन् २०१४ मा निर्माण सुरु भएको थियो । राष्ट्रिय गौरवका आयोजना मध्ये यो विमानस्थल सबैभन्दा छिटो सम्पन्न हुने आयोजना बनेको प्राधिकरणको दावी छ ।

तपाईको प्रतिक्रिया

सम्बन्धित शीर्षकहरु

मुख्य खबर

चौतर्फी दबाबले पेट्रोलमा प्रतिलिटर २० र डिजेलमा २९ रुपैयाँ भाउ घट्यो

चौतर्फी दबाबपछि बल्ल सरकारले पेट्रोलको २० र डिजेलको २९ रुपैयाँ मूल्य घटाएको छ ।

इन्धनको भाउ अत्यधिक बढेसँगै गाडी भाड पनि बढ्यो

सरकारले सार्वजनिक सवारी साधनको भाडा बढाएको छ ।

यूएईका राजकुमारले उपहार दिएको सुनको लौरो प्रसाईंले सरकारलाई दिने भनेपछि...

शनिबार संयुक्त अरब इमिरेट्स (यूएई) का राजकुमार जुमा अल मोक्तुमले नेकपा एमालेको केन्द्रीय सदस्य एवं मेडिकल व्यवसायी दुर्गा प्रसाईंलाई एउटा अनौठो किसिमको उपहार दिए ।

अर्थमन्त्रीले मध्यरातमा करकोदर हेरफेर गर्न बाहिरका मान्छे बोलाएकोबारे योगेश भट्टराईले उठाए प्रश्न 

नेकपा एमालेका सांसद योगेशकुमार भट्टराईले आगामी आर्थिक वर्ष २०७९/८०कालागि विनियोजित  बजेट निर्माणका क्रममा मध्ये रातको १२ बजे अर्थमन्त्री जनार्दन शर्माले अनधिकृत व्यक्तिलाई आफ्नो कार्यकक्षमा बाहिरका मान्छेलाई बोलाएर करका दरमा हेरफेर गरेकोबारे गम्भिर प्रश्न उठाएका छन ।

मनोरञ्जन

बल्कबष्टर नेपाली फिल्म अवार्ड सम्पन्न, सम्पादक बगालेसहित विभिन्न व्यक्तित्व सम्मानित

विगत १६ वर्षदेखि निरन्तर रूपमा आयोजना हुँदै आएको ब्लकबस्टर नेपाली फिल्म अवार्ड २०७८ भव्य रूपमा सम्पन्न भएको छ ।

कक्षा १२ उत्तिर्ण गरिन करिश्मा मानन्धरले

नायिका करिश्मा मानन्धरले कक्षा १२ पास गरेकी छन् । शुक्रबार प्रकाशित नतिजा अनुसार उनले ‘बी प्लस’ ग्रेडसहित १२ कक्षा उत्तिर्ण गरेकी हुन् । यस्तो रिजल्ट आएपछि नायिका मानन्धरले आफुले सोचेअनुसारकै नतिजा आएको बताएकी छिन् । उनका अनुसार दुईवटा विषयमा ए प्लस आएको छ भने समग्रमा बी प्लस आएर १२ कक्षा पास भएको छ ।

प्रथम रेडियो सान्भी म्युजिक अवार्ड २०७८ आयोजना हुने 

विरगंज ९– पिसि मिडिया प्रालिद्वारा सञ्चालित तथा वीरगंजबाट प्रसारित रेडियो सान्भीले आगामी २२ कात्तिकमा ‘प्रथम रेडियो सान्भी म्युजिक अवार्ड २०७८’ आयोजना गर्ने भएको छ । नेपाल पत्रकार महासंघको सभाकक्षमा पत्रकार सम्मेलन आयोजना गर्दै रेडियो सान्भीले आगामी २२ कात्तिकमा प्रथम रेडियो सान्भी म्युजिक अवार्ड २०७८ आयोजना गर्ने जनाएको हो ।